KUMA
KUMA — Shim. Kavkazdagi daryo. Oʻz. 802 km, havzasining mayd. 33,5 ming km2. Katta Kavkazning shim. yon bagirlaridan boshlanadi. Yuqori qismida togʻlar orasidan, oʻrta qismida dashtdan oqadi. Kaspiy boʻyi pasttekisligiga kelganda Kuma oʻzani bir necha tarmoqqa boʻlinib, Kaspiy dengiziga yetmasdan tugaydi. Oʻrta oqimida oʻrtacha suv sarfi 10,9 m3/sek. Kuma qor va yomgʻirlardan toʻyinadi. Terek – Kuma va Kuma-Manich kanallari suvidan sugʻorishda foydalaniladi.
Ensiklopediya.uz
KUMA