KOMILOV
KOMILOV Orif (1930.1.6, Jizzax viloyati Jizzax tumani Oqqoʻrgʻon qishlogʻi — 2000.18.12, Toshkent) — tuproqshunos-meliorator olim, Oʻzbekistonda xizmat koʻrsatgan fan arbobi (1991), q. x. fanlari d-ri (1983), prof. (1986). SamDU tuproqshunoslik f-tini tugatgan (1955). Oʻzbekiston FATuproqshunoslik (hoz. Tuproqshunoslik va agrokimyo) in-tida katta ilmiy xodim (1963—69), shoʻr tuproqlar lab. mudiri (1969—91), 1991-y. dan shoʻr tuproqlar genezisi va melioratsiyasi boʻlimi mudiri. Ilmiy ishlari Urta Osiyo mintaqasida shoʻr tuproqlarning vujudga kelishi va ularning meliorativ holatini yaxshilash, mahalliy (mintaqaviy) tuproq hosil boʻlishi jarayonining nazariy konsepsiyasini yaratish muammolariga bagʻishlangan.
Ensiklopediya.uz
KOMILOV