KOLONNADA
KOLONNADA (frans. colonnade) , ustunlar qatori — gorizontal tarzda usti yopilgan qatorak. Toʻgʻri yoki egri chiziq boʻylab bir yoki bir necha qator qoʻyilgan kolonna (ustun)lar usti yopilgan galereya. Ustun, kapitel va asosdan iborat. Baʼzan alohida inshoot sifatida ham quriladi. Kolonnadalar saroy va b. inshootlarning katta zalini bezashda, yirik binolarning bosh tarzini hashamatli qilib koʻrsatishda, bogʻ-park sanʼati qurilishida foydalaniladi.
Ensiklopediya.uz
KOLONNADA