KLIVLEND MOLIYA GURUHI

KLIVLEND MOLIYA GURUHI

KLIVLEND MOLIYA GURUHI — AQSHdagi yirik kapital ittifoklaridan biri. 20-a. oxirlarida guruhning umumiy aktivi 25 mlrd. dollardan ortiq. Bosh idorasi — Klivlend sh. da (Ogayo shtati). Klivlend moliya guruhi qora metallurgiya, togʻ-kon sanoati, t. y. transporti asosida shaqllanib, AQSHning Detroyt sh. dagi avtomobil markazi buyurtmalari bilan chambarchas bogʻlangan. Guruh 19-a. oxirida 3 oilaviy guruh — Iton, Materov va Xanna guruhlari ittifoqi sifatida shaqllanadi. Endilikda Klivlend moliya guruhi uchta yirik monopolistik guruh: Iton, XemfriXanna va Klivlend va Oʻrta Gʻarbdagi korporatsiyalarning birlashmasidan iborat. Klivlend moliya guruhining xorijda, ayniqsa, Kanadada yirik kapital mablagʻlari bor. Hoz. davrda Klivlend moliya guruhi AQSHning 38 ta shtatida faoliyat yuritib, xizmat soxasi, ayniqsa, sugʻurta ishida faol qatnashadi.

Ensiklopediya.uz
KLIVLEND MOLIYA GURUHI