Kitob sovg’a qilish kuni

«Xalqaro kitob sovg‘a qilish kuni» faqat ko‘ngillilar tashabbusi bilan o‘tkaziladi.Unda qatnashishning turli yo‘llari mavjud. «Xalqaro kitob sovg‘a qilish kuni» uyushmasining tashkilotchisi bo‘lishingiz mumkin.

“Qadrdon kutubxonamga kitob sovg‘a qilaman”

O‘sib kelayotgan yosh avlod jamiyatda o‘z o‘rniga ega bo‘lgan, ma’lum bir yutuqlarga erishgan kishilarga havas qiladi, ularga o‘xshashga intiladi, ortidan ergashadi. Ular tomonidan sovg‘a qilingan kitoblar albatta o‘qiladi, asrab-avaylanadi. Demak, biz yoshlarimizning kitob mutolaasi bilan qay darajada band bo‘layotgani va qanday kitoblarni o‘qiyotganidan boxabar bo‘lishimiz kerak. Chunki, yoshlarning ma’naviy-intellektuval salohiyati, ong-u tafakkuri va dunyoqarashini yuksaltirishda, ularda ona Vatani va xalqiga muhabbat va sadoqatni kamol toptirishda kitobxonlik madaniyatining o‘rni beqiyosdir. O‘tkazilayotgan ma’naviy-ma’rifiy tadbirlarning tub g‘oyasi ham ana shu ezgu maqsadlarga qaratilgan.

Yoshlarning badiiy-estetik talablariga javob beradigan kitoblarni yuksak sifat bilan chop etish, joylar, ta’lim muassasalariga vaqtida va maqbul narxlarda yetkazish, milliy va jahon adabiyotining eng sara namunalarini tarjima qilish, farzandlarimizda bolalikdan boshlab kitob, jumladan, elektron kitob o‘qish ko‘nikmasini shakllantirish, jamiyatimizda mutoaala madaniyatini yuksaltirish bilan bog‘liq masalalarni hal etish oldimizda turgan eng muhim vazifalardan biridir.

Samarqand viloyat bolalar kutubxonasida “Adabiyot kunlari”, “Kitobim oftobim”, “Kitob taqdimoti”, “Bir farzandga uch kitob ” aksiyasi, “Maktab – kutubxona – oila– jamoat tashkilotlari” xayriya tadbirlari, “Eng yaxshi kitobxon o‘quvchi”, “Kitobxon maktab”, “Yilning eng iste’dodli yosh shoiri”, “Men sevgan adabiy qahramon”, “Men, ota-onam, bobo va buvim – kitobxon oila”, “Eng yaxshi kutubxonachi”, “Kitob hayotni o‘rgatuvchi murabbiy” mavzularida uchrashuvlar, ko‘rik-tanlov va tadbirlar muntazam o‘tkaziladi.

5–9-aprel kunlari mamlakatimizda “Kitobxonlik haftaligi” tadbirlari munosabati bilan kutubxonada “Qadrdon kutubxonamga kitob sovg‘a qilaman” mavzusida ma’naviy-ma’rifiy tadbir o‘tkazildi. Tadbirda ishtirok etgan O‘zbekiston yozuvchilar uyushmasi Samarqand viloyat bo‘limi rahbari Toshpo‘lat Tugalov, O‘zbekiston respublikasi Markaziy banki Samarqand viloyati bosh boshqarmasi boshlig‘i o‘rinbosari Sherzod Suvonqulov, kutubxona direktori Yusuf Muhammadiyevlar yoshlarni kitob mutolaasiga qiziqtirish, mutolaani qaysi kitoblardan boshlash, unda nimalarga e’tibor qaratish kerakligi haqida fikr-mulohazalar bildirib, insonning hayotda erishgan yutuqlarida kitobning beqiyos o‘rni, kitobga havas uyg‘otgan insonlar haqida so‘zlab berdilar. Samarqand shahridagi 30,33,37,45-maktab o‘quvchilari ishtirokida taniqli ijodkorlar Hamida Karimova, E’tibor Mahmudova, Keldiyor Gadoyevlar bilan uchrashuv tashkil etildi. O‘quvchilar uchrashuv davomida o‘zlari yoqtirgan kitob to‘g‘risida, kitobxonlikka bag‘ishlangan she’rlar va allomalarning kitob haqidagi hikmatli so‘zlaridan aytib berdilar. “Qadrdon kutubxonamga kitob sovg‘a qilaman” tadbiri doirasida kutubxona xodimlari tomonidan kitoblar jamlanmasi sovg‘a qilindi.

Kitob sovg’a qilish kuni

14 fevral kuni butun dunyoda antiqa aksiya – «Xalqaro kitob sovg‘a qilish kuni» o‘tkaziladi. Uning maqsadi oddiy va oliyjanob – bolaga yaxshi kitobni taqdim etish hamda shunday ishlarga boshqalarni ham jalb qilish va qiziqtirishdir. Xalqaro kitob sovg‘a qilish kunini uchta oddiy tarzda nishonlash mumkin.

1.Do‘stingizga yoki oila a’zolaringizga kitob sovg‘a qiling. Bolaga yangi yoki o‘zingizning eski kitobingizni sovg‘a qiling va “Xalqaro kitob sovg‘a qilish kuni”ni nishonlang.

2.Kitobni kutish xonalarida yoki foyeda qoldirib keting. Bolalar ko‘p vaqtlarini o‘tkazadigan va yaxshi kitoblar yo‘қ bo‘lgan kutish xonalarini tanlang. Yaxshi kitobni bekitib yoki ochiq holda o‘zingiz tanlagan xonaga qo‘yib keting.Bu ishlar bolalarni kitob mutolaasiga qiziqtirish maqsadida qilinadi. Haqiqatan, shubhalanmasdan qiziqarli kitobni tanlang.

3.O‘z kitoblaringizni hadya qiling.Ulg‘aygan bolalaringizga kerak bo‘lmagan kitoblarini yig‘ib, ulardan birortasini o‘qib ko‘radigan bolalarga bering. O‘z kitoblaringizni kutubxonaga,maktabga, bolalar shifoxonasiga, mehribonlik uyiga hadya qiling.Bundan tashqari shaxsiy kitoblaringizni xalqaro miqyosda bolalarga kitob tarqatish bilan faoliyat yuritadigan hayriya tashkilotlariga ham keltirib berishingiz mumkin.

«Xalqaro kitob sovg‘a qilish kuni» faqat ko‘ngillilar tashabbusi bilan o‘tkaziladi.Unda qatnashishning turli yo‘llari mavjud. «Xalqaro kitob sovg‘a qilish kuni» uyushmasining tashkilotchisi bo‘lishingiz mumkin.

1.Ushbu bayramga o‘z tashkilotingiz a’zolarining e’tiborini jalb qilish.Bayramni nishonlash uchun «Xalqaro kitob sovg‘a qilish kuni»ga bag‘ishlangan plakatni osib qo‘yish yoki boshqa imkoniyatlarni qo‘llash;

2.Barcha ishtirokchilarning imkoni darajasida «Xalqaro kitob sovg‘a qilish kuni»ga bag‘ishlangan tadbirlarni rejalashtirish, kitob yig‘ish ishlarini yoki bolalar uchun ertaklar o‘qish soatini tashkil qilish;

3.«Xalqaro kitob sovg‘a qilish kuni»da kitob xarid qilgan insonlar uchun chegirmalar joriy qilish fikrlari bilan kitob do‘koni ma’muriyatiga murojaat qilish.