KEPAKXON
KEPAKXON ibn Duvaxon, Kabakxon, Kebekxon, Kebek (? — 1326) — Chigʻatoy ulusining xoni (1309 va 1318—26). Mamlakatni harbiy-maʼmuriy tumanlarga bulib idora etish tartibini joriy qilgan. Kepakxon pul islohoti ham oʻtkazib, muomaladagi har xil pullarning oʻrniga Oltin Oʻrdaniki singari kumush tangalarni zarb qildirgan. Ular kepaki deb yuritilgan. Nasafdan 2 farsax (12—14 km) narida saroy qurdirgan. Keyinchalik bu saroy yonida shahar barpo etilib, Qarshi (mugʻulcha — saroy) deb atalgan. Poytaxt Nasafdan Qarshiga koʻchirilgan. Mirzo Ulugʻbekning yozishicha, Chingizxon davridan buyon xarobaga, qamishzorga aylangan Qubbatul-islom-Balx yana qayta tiklangan.
Ensiklopediya.uz
KEPAKXON