KENTUKKI
KENTUKKI — AQSHning jan. qismidagi shtat. Mayd. 104,6 ming km2. Aholisi 4,06 mln. kishi (2001), yarmidan koʻprogʻi shaharlarda yashaydi. Maʼmuriy markazi — Frankfort sh. Yirik shaharlari: Luisvill, Leksington. Kentukkining koʻp qismi Kamberlend platosida (bal. 200—450 m) joylashgan. Karst relyef shakli koʻp. Mashhur Mamont gʻori ham oʻsha yerda. Gʻarbiy va shim.-gʻarbiy qismlari tekislik. Ogayo, Kamberlend va b. daryolar kesib oʻtadi. Iqlimi moʻtadil nam iqlim. Oylik oʻrtacha t-ra yanv. da 0,4°, iyulda 24,4°. Yillik yogʻin 1000-1250 mm.
Ensiklopediya.uz
KENTUKKI