KANO
KANO — Nigeriyaning shim. qismidagi shahar. Kano shtatining maʼmuriy markazi. Avtomobil yoʻllari tuguni, t. y. stansiyasi. Aeroporti xalqaro ahamiyatga ega. Aholisi 595 ming kishi (1990-y. lar oʻrtalari). Mamlakatning yirik savdo va hunarmandchilik (kumush, charmdan turli buyumlar tayyorlash) markazi. Oziq-ovqat, koʻn poyabzal, kimyo, sement sanoati korxonalari, toʻqimachilik f-kasi mavjud. Un-t bor. Shahar 9-a. dan maʼlum. 19-a. gacha Kano davlati poytaxti boʻlgan.
Ensiklopediya.uz
KANO