Kali Linux operatsion tizimi

Kali Linux — Linux operation tizimlari oilasiga kiruvchi maxsus yaratilgan tizim bo’lib, asosan axborot tizimlaridagi xavfsizlik jihati bo’yicha xar xil turdagi, o’ziga xos testlar bajarish uchun bir qancha tayyor dasturlarga ega tizim. Uning asosiy maqsadi tizimlarni xavfsizligini tekshirish, undagi muommolarni topish va ularni bartaraf etishdan iborat. Avvallari Kali Linux operatsion tizimi foydalanuvchilarga boshqa nom bilan tanilgan edi, ya’ni — BackTrack.

Kali Linux — distributivning maxsus talqini bo’lib, foydalanuvchilarga «kirish» bo’yicha turli xil testlar amalga oshirish uchun xizmat qiladi. Uning o’ziga xoh jihati shundagi u ARM arxitekturali operatsion tizimlarga moslashtirilgan, shu sababli ushbu operatsion tizimni nafaqat kompyuterlarga, balki Android operatsion tizimida ishlaydigan qurilmalarga ham o’rnatish mumkin.

Kali Linux operatsion tizimidan nafaqat maxsus mutaxassislar, balki, ularga qarshi kurashuvchilar tomonidan ham keng qo’llaniladi. Undagi 300 dan ortiq oldindan o’rnatilgan dasturlar orqali foydalanuvchilar «kirish» bo’yicha testlar bajarishlari mumkin.

Tarixi

Yuqorida aytilganidek Kali Linux operatsion tizimining «otasi» BackTrack bo’lgan, u linux distributivlari asosida yaratilgan. Avval Slackware operatsion tizimi, keyinchalik Ubuntu va hozir Kali Linux operatsion tizimining asosini Debian operatsion tizimi tashkil qiladi.

WHAX WHAX(bu nom White har va SLAX nomlaridan kelib chiqgan) «kirish» bo’yicha testlar bajarish uchun ishlab chiqilgan. Boshida Knoppix asosida bo’lgan va Whoppix deb nomlangan. Keyinchalik 3-talqini chiqqanida so’ng, Slaxga o’tgan va WHAX deb qayta nomlangan. U Isroillik xavfsizlik bo’yicha mutaxassis Mati Axaroni tomonidan ishlab chiqilgan, WHAX asosiy e’tiborni «kirish» bo’yicha testlarni amalga oshirish uchun qaratgan. Distributiv har xil joyda joylashgan kompyuterlar yordamida xavfsizlikni tekshirish imkoniyatini bergan.

Auditor Security Collection’ni Maks Mozer xavfsizlik baholash uchun yaratilgan «shvetsar pichog’i» deb nomlagan. Bu distributivlarni bir xil maqsadi keyinchalik ularni birlashishiga olib keldi. U o’zida 300 dan ortiq ishchi dasturiy uskunalarni grafik menyu ko’rinishida jamlagan. U avval BackTrack’ga keyinchalik Kali’ga ko’chib o’tgan. Auditor Security Collection knoppix asosidagi liveCD’ni tashkil qiladi.

Hozirgi holati

Distributiv doimiy ravishda rivojlanishni boshlaganidan so’ng, va foydalanuvchilar bilan doimiy teskari aloqani yo’lga qo’yilganidan so’ng, Kali Linux operatsion tizimini rivojlantirishdagi asosiy e’tibor uning uzluksiz barqaror ishlashini ta’minlashga va undagi funksional imkoniyatlarni qadamma-qadam oshirib borishiga qaratilindi. Kali Linux operatsion tizimining hozirgi talqinlarida ko’plab dasturlar alohida modul sifatida qo’llanilgan, bu esa o’z navbatida, qo’shimchalar yaratish va undagi kamchiliklarni bartaraf etishni osonlashtiradi.

Kali Linux operatsion tiziming o’ziga xos imkoniyatlari:

• Keng ko’lamdagi «kirish» bo’yicha testlar va analizlarni amalga oshirish uchun mo’ljallangan ishchi dasturiy uskunalar;
• Vizual interfeys Gnome 3.30.2 dan XFCE 4.14.1’ga o’zgartirilgan;
• Menyudan o’nlab ishchi dasturiy uskunalarga o’tish imkoniyati;
• Kali Linux’ni qattiq diskga o’rnatish talab qilinmaydi(va bunday qilish aslo kerak emas);
• Ma’lumotlarni qayta ishlash bo’yicha xavfsiz muhit;
• Chuqurlashtirilgan sozlashlar amalga oshirish imkoniyati(xatto yadrogacha);
• Mutloq bepul.

Kali Linux — bu foydalanuvchilar Linux oilasi bilan tanishish uchun mo’ljallangan distributiv talqini emas, u birinchi navbatda axborot tizimlarini «buzish» uchun emas, asosan undagi xavfsizlik jihatdan nozik nuqtalarni aniqlash va ularni tezkorlik bilan bartaraf etish uchun ishlab chiqarilgan ishchi dasturiy uskunadir.

So’ngi talqini Kali 2019.4 2019-yil 26-noyabrda e’lon qilingan!

Kali Linux operatsion tizimini VirtualBox ga o’rnatish bo’yicha video darslik:

Ushbu maqola faqatgina Kali Linux operatsion tizimi haqida umumiy ma’lumotlar berish uchun yozildi!

Ushbu Kali Linux operatsion tizimidan foydalanish
faqatgina tajribali mutaxassislar uchun mo’ljallangan!

Yodda tuting: Kali Linux operatsion tizimidan foydalanishdan avval!!!

Ushbu operatsion tizimdan foydalanishda yuzaga keladigan har qanday ko’rinishdagi holatlar va MUOMMOlarga faqatgina o’zingiz javobgar bo’lasiz!