JOMONTOV

JOMONTOV — Tyanshandagi togʻ tizmasi (Qirgʻizistonda). Chatir koʻlining shim.-gʻarbida. Gʻarbda Fargʻona tizmasiga yondosh. Uz. 70 km. Eng baland joyi 4718 m. Choʻkindi va metamorfik jinslardan tashkil topgan. Jan. yon bagʻri Arpa daryosi (Norin havzasi) vodiysiga tik tushgan, shim. yon bagʻri qiya. Dasht va oʻtloqdasht oʻsimliklari bilan qoplangan, yuqori qismida togʻ oʻtloqlari bor.