JINGʻARCHALAR

JINGʻARCHALAR (Sorex) – sut emizuvchi hayvonlarning yer qazuvchilar oilasiga mansub bir urugʻi. Hasharotxoʻrlar turkumiga kiradi. Tashqi koʻrinishi sichqonga oʻxshaydi, lekin tumshugʻining xartumsimon choʻziqligi bilan undan farq qiladi. Tanasining uz. 30 — 80 mm. Tishlarining yuqori yarmi qizgʻish-qoʻngʻir. Yevropa va Osiyoning tundra, oʻrmon-dasht zonalarida koʻp uchraydi. Tanasining uz. 38—53 mm keladigan mitti Jingʻarchalar — hoz. eng kichik sut emizuvchilardandir.