INDUSTRIAL MOYLAR
INDUSTRIAL MOYLAR, sanoat moylari — mashina va mexanizmlarni moylash uchun ishlatiladigan neft mahsulotlari. Qovushoqlik darajasiga koʻra yengil, oʻrta va ogʻir moylarga boʻlinadi. Yengil Industrial moylar (50° da qovushoqligi 5 — 10 yest (1sst = 10 6 m2/ sek), qotish t-rasi ?q=25° gacha) — velosit, texnik vazelin, separator moyi. Toʻqimachilik sanoatidagi yigirish va pishitish ma-shinalari, tikuv mashinalari, metall ishlash stanoklarining shpindellari, nazorat-oʻlchash asboblarini va b. ni moylash uchun ishlatiladi. Oʻrta Industrial moylar (50° da qovushokligi 10—50 yest, qotish t-rasi ʻq=30°) — urchuq moyi, mashina moyi, telegraf moyi. Oʻrtacha tezlik va nagruzkada ishlaydigan mashina va me-xanizmlar, kichik quvvatli elektr dvi-gatellar va metall ishlash stanoklarining gidrotizimlari shunday moylar bilan moylanadi. Ogʻir Industrial moylar (100° da qovushoqligi 10—30 yest, qotish t-rasi ancha yuqori) kichik tezliklarda, lekin katta nagruzka bilan ishlaydigan sanoat uskunalari, mas, temirchilik-presslash uskunalari, tishli uzatmalar va b. ni moylash uchun ishlatiladi.
Ensiklopediya.uz
INDUSTRIAL MOYLAR