Homiladorlikning 2 haftaligida nimalar bo’ladi

2 haftasi

Hozircha homiladorman deb xursand bo’lishga erta. 2 haftalik homiladorlik sizning to’g’ri yo’lda ekanligingizni anglatsa ham, bolangizning homila bo’lishiga hali bir oz vaqt bor. Ammo kichik omad homila paydo bo’lish imkoniyatini beradi.

Homiladorlikning 2 haftasida miyangizda va jinsiy a’zolaringizda muhim va murakkab jarayonlar sodir bo’ladi. Vujudingizda nima sodir bo’layotganini sezmasangiz ham, ozgina ta’sirlashishni his qilsangiz ham, homiladorlikning 2 haftasi – bu bola tug’ilishiga olib keladigan voqealar ketma-ketligining boshlanishi hisoblanadi.

Ovulyasiya

Ikki tuxumdondan bittasi har oy tuxum hujayra ishlab chiqaradi. Bu u tomondan bu tomonga galma-gal o’zgarib turadi, ba’zi ayollarda esa har oyliks siklda bir nechta tuxum hujayra ishlab chiqariladi. Tuxum hujayra follikula deb nomlanuvchi suyuqlikning «to’shagida» bo’ladi.

Follikulaga ma’lum bir gormon ta’sir qiladi, u tuxum hujayra fallopiy naychasiga tushishi uchun qachon yorilishi mumkinligini «aytadi». Tuxum hujayraning follikulada yetilish jarayoni har oyda boshlanishiga qaramay, faqat bitta dominant follikula (taxminan 20 tadan bittasiga) tuxum hujayrani yetiltiradi.

Follikulalar yetilish bilan band bo’lganda, bachadonning endometriysi (shilliq qavati) ham o’zini tayyorlaydi. Estrogen follikulada noyob hujayralar tomonidan chiqariladi va u urug’lantirilgan tuxum hujayrani qabul qiladigan bachadonni tayyorlash jarayonini boshlashga yordam beradi.

Agar sizning tuxum hujayrangiz eringizning spermasi tomonidan urug’lantirilmasa, unda qon bilan qalinlashgan bachadon endometriysi kerak bo’lmaydi va ichidagi tarkib keyingi siklda organizmingizdan chiqib ketadi. Odatda bu ovulyasiyadan ikki hafta o’tgach sodir bo’ladi.

Qachon menda ovulyasiya bo’ladi?

Aksariyat ayollardassikl 28 kundan 32 kungacha davom etadi, ammo bir necha kunlik farq ham normal hisoblanadi. Ovulyasiya odatda hayz boshlangandan keyin taxminan 14-kunda sodir bo’ladi. Uzoqroq yoki qisqaroqssiklli ayollarda ovulyasiya vaqti biroz farq qiladi.

Ovulyasiya bo’layotganini qanday bilsam bo’ladi?

Organizmingizda bir nechta sezilarsiz o’zgarishlar mavjud bo’ladi, ba’zida ularni siz ovulyasiya qilishga tayyor bo’lganingizda sezishingiz mumkin. Ba’zi ayollarda ilgari sezilmagan hidlarga sezish keskinligi yaxshilanadi.

Tos sohasida og’riq. U Mittelschmerz sifatida ma’lum, nemis tilidan tarjima qilinganda «o’rta qismdagi og’riq» degan ma’noni anglatadi.

Servikal shilliqdagi o’zgarishlar. Ushbu o’zgarishlar spermaning bachadon bo’yni orqali tuxum hujayra tomonga oson harakatlanishiga yordam beradi. Unumdor shilliq tuxum oqiga o’xshab ko’rinishi yoki odatdagidan ko’proq suvli va silliq bo’lishi mumkin.

Ba’zi ayollarda libido oshadi, o’z eriga sezuvchanligi kuchayadi. Biologik darajada, bu ayollars siklining eng serhosil davrida jinsiy aloqada bo’lishga undashning tabiiy usulidir.

So’lak va siydik testlari ayollarni ovulyasiya bo’lganligi to’g’risida ogohlantirish uchun gormonal o’zgarishlarni aniqlashga yordam beradi. Ushbu testlarni dorixonalardan sotib olish mumkin.

Bazal tana harorati oshadi. Ovulyasiya paytida ayolning harorati bazal haroratdan bir necha darajaga ko’tariladi. Haroratingizni bir necha oy davomida qayd qilib borish, qachon homilador bo’lishingiz mumkinligini aniqlashga yordam beradi.

Tuxum hujayra follikuladan chiqqandan keyin 12-24 soat ichida urug’lanishga qodir bo’ladi. Spermatozoidlar ancha uzoqroq, taxminan 3-5 kun yashaydi. Bu ular tuxum hujayrani muvaffaqiyatli urug’lantirish uchun bir necha kun kutishlari mumkinligini anglatadi. Shu sababli, agar homilador bo’lishni istasangiz, ovulyasiyadan oldin yoki keyin bir necha kun jinsiy aloqani rejalashtirish tavsiya etiladi.

Urug’lantirish

Tuxum hujayrani bitta urug’ bilan urug’lantirish odatda fallopiy naychasida bo’lib o’tadi va bu homiladorlikning 3 haftasida sodir bo’ladi. Zigota (bitta hujayra) bachadon tomon pastga siljishda davom etishi juda muhim, chunki bachadon tez bo’linib, ko’payishni boshlaydi. Agar u harakatni davom ettirmasa va o’zini fallopiy naychasiga joylashtirsa, ektopik (bachadondan tashqari) homiladorlik paydo bo’ladi.

Bola yaratilishi uchun ikki kishi kerak

Bola paydo bo’lishi va homiladorlikning 2 haftasi haqida gapirganda, qiziqarli va qiyin ovulyasiya jarayoni – bu hikoyaning faqat birinchi qismi. Eringiz eyakulyasiya qilganda, uning urug’ suyuqligida 100-300 millionga yaqin sperma mavjud bo’ladi. Ammo tuxum hujayrani urug’lantirish uchun faqat bitta sperma talab qilinadi.

Agar siz urinishni boshlaganingizdan keyin birinchi yoki keyingi bir necha oy ichida homilador bo’lmasangiz, tashvishlanmang. Sizning hayz siklingizni o’rganish va qachon urug’lanish mumkinligini aniqlash uchun biroz vaqt talab etiladi. Har oy faqatgina 20% hollarda homilador bo’lish mumkin va ko’plab juftliklarda homila paydo bo’lishi uchun 12 oygacha yoki ba’zilarda undan ko’proq vaqt ketadi.

Ushbu haftada tanangizdagi jismoniy o’zgarishlar

Ovulyasiya bo’lganini yoki yaqinlashganingizni aniqlash uchun tanangizdagi o’zgarishlarni kuzatib boring. Kundalik daftar yuriting va oxirgi hayz sanasini, shuningdek uning qachon boshlanganini va tugaganligini belgilab qo’ying. Ovulyasiya odatda hayzs sikllari orasida sodir bo’ladi.

Ushbu haftada sizdagi hissiy o’zgarishlar

Siz o’zingizni yanada muhabbatli his qilishingiz mumkin, libido kuchayadi yoki eringiz yanada jozibador bo’lib qolganday his qilishingiz mumkin. Qanday bo’lmasin, uning asabingizga tegadigan odatlari sizni tashvishga solmay qoladi.

Ushbu haftada bolangizdagi o’zgarishlar

Homiladorlikning 2 haftasida ekanligingizga qaramay, bolangiz hali homila emas, ammo ovulyasiya paytida bu sodir bo’ladi degan taxminlar mavjud. Bolangizning barcha genetik ma’lumotlari siklingiz orasida siz tuxumdonlaringizning biridan ajratadigan alohida hujayrada mavjud boʻladi.

Hafta uchun maslahatlar

Agar cheksangiz, chekishni tashlang. Nikotin urug’lanishga xalaqit berishi va ba’zi ayollarda homilador bo’lish ehtimolini kamaytirishi mumkin.

Tarkibida foliy kislotasi bo’lgan tug’ruq oldi vitaminlarini qabul qilishni unutmang. Homiladorlikning erta bosqichlarida tavsiya etilgan doza kuniga – 500 mkg.