Homiladorlikning 11 haftaligida nimalar bo’ladi

11 hafta: homilangiz kattaligi go’yoki o’rikdek

Siz 1-trimestr oxiriga yaqinlashishni to‘liq his etasiz. Endi ortga qaytish yo‘q va homiladorlikning 11 haftasida siz yo‘lning deyarli uchdan bir qismini o‘tdingiz. Agar bu sizning birinchi homiladorligingiz bo‘lsa, unda hamma narsa siz uchun yangi va qiziqarli bo‘ladi. Ammo garchi sizda farzandlaringiz bo‘lsa ham, har bir homiladorlik har xil o‘tadi va har bir homiladorlikning o‘ziga xos muammolari bo‘ladi.

Bolalari bo‘lgan ayollar, odatda, hozirgi homiladorligini oldingi homiladorlik bilan taqqoslashadi va ularning simptomlarini tug‘ilmagan bolasining jinsini taxmin qilish uchun asos sifatida ishlatadilar. Agar siz UTT yordamida bolangizning jinsini bilishni istamasangiz, taxminlaringiz to‘g‘ri yoki yo‘qligini aniqlash uchun kutishingiz kerak bo‘ladi.

Statistik ma’lumotlarga ko‘ra, sizda o‘g‘il bo‘lish ehtimoli qizga qaraganda bir oz yuqori. Sizning eringiz allaqachon bolaning jinsini aniqlagan va jins 3 haftadayoq shakllangan.

Men qanchalik kuchli sevishim mumkin?

Sizga qiziq bo‘lishi mumkin, siz o‘z bolangizni boshqa bolalaringiz kabi yaxshi ko‘rasizmi, lekin bu haqda tashvishlanmaslikka harakat qiling. Tabiat shunday yaratilganki, bola onasini o‘zini yaxshi ko‘rishga majbur qiladi. Onalar ayniqsa o‘z muxabbati farzandlarining barchasiga yetarli bo‘larmikan deb azob chekishlari mumkin. O‘zingizga yangi tug‘iladigan chaqalog‘ingiz bilan munosabatlarni tiklash uchun vaqt bering va shunchaki o‘zingizga ishoning.n

11 haftada tanangizdagi jismoniy o‘zgarishlar

O‘sish va to‘kilish bosqichidan o‘tgan sochlaringiz endi dam olish bosqichiga o‘tadi. Shu sababli homilador ayollar ushbu haftada sochlari odatdagidan ko‘ra qalinroq va hashamatliroq ekanligi haqida ko‘pincha gapirishadi. Ular shu qadar mustahkamki, ular taraganingizda yoki dush qabul qilganingizda boshingizda qoladi, ya’ni to‘kilmaydi.

Shuningdek, tirnoqlaringizdagi o‘zgarishlarni ham sezishingiz mumkin, chunki ular odatdagidan ko‘ra boshqacha o‘sadi. Ushbu o‘zgarishlar homiladorlik gormonlarining ta’siri bilan bog‘liq.

Agar sizda husnbuzarlar bo‘lsa, ushbu haftada teringiz nihoyat tozalana boshlaganini sezasiz. Yuzingizni muloyimlik bilan yuving, ko‘p suv iching va yangi meva va sabzavotlar yetarli ekanligiga ishonch hosil qiling. Qoidani yodda tuting: har kuni 2 dona meva va 5 ta porsiya sabzavot.

Ushbu haftadan boshlab sizning vazningiz asta-sekin osha boshlaydi. Agar siz ko‘p ovqat iste’mol qila olmagan yoki qayt qilgan bo‘lsangiz ehtimol siz ozgan bo‘lishingiz mumkin. Ammo 11 haftadan boshlab, siz oziq-ovqat mahsulotlariga yangicha qarashni boshlaysiz. Sizga oziq-ovqat bir necha hafta oldin bo‘lgani kabi, endi oshqozoningizning dushmani emasdek tuyuladi.

11 haftada sizdagi hissiy o‘zgarishlar

11 haftada bo‘lganingizda, hissiyotlaringiz biroz pasayadi va sizga oldingi energiya qaytadi. Ko‘ngil aynish, charchoq va umumiy holsizlik 1-trimestrning umumiy ko‘rinishlaridir.

Siz endi boshqa narsalarga e’tibor qaratishga qodir bo‘lganligingiz sababli, endi bola to‘g‘risidagi fikrlar sizni ko‘p bezovta qilmaydi. U sizning ichingizda hali o‘zining tepishlari yoki harakatlari bilan mavjudligi haqida eslatmaydi va siz o‘zingizni normal his qilasiz. Agar bola har doim sizning xayolingizda bo‘lmasa, o‘zingizni ayblamang.

11 haftada bolangizdagi o‘zgarishlar

Bu haftada farzandingiz o‘lchami 5 santimetrdan biroz oshadi. U deyarli aniq ko‘rinishga ega, ammo tug‘ilganda bo‘ladigan ko‘rinishining kichik miniatyura shakli. Farzandingiz bu haftada boshqa o’zga sayyoralikka o‘xshamaydi, u endi kichkina odamga o‘xshaydi.

Sizning bolangiz o‘lchami katta o’rikdek, shuning uchun siz tosingizda uning mavjudligini to‘liq his qila olasiz. Kunning oxirida, siydik pufagi to‘la bo‘lganda yoki to‘yib ovqat egandan keyin, siz uning mavjudligini his qilishingiz mumkin.

Farzandingizning peshonasi unchalik bo‘rtmagan, ko‘zlari esa yuzining o‘rtasiga yaqinroq joylashgan. Uning qo‘l va oyoq barmoqlari yaqin vaqtgacha kichik eshkak edi, endi ular aniq farqlanadi va alohida barmoqlarga bo‘lingan.

Agar bolangiz qiz bo‘lsa, bu haftada unda tuxumdonlarning rivojlanishi boshlanadi. Hayot davomidagi hamma tuxum hujayralari bu haftada rivojlanadi. Ushbu haftada bolangizning tashqi jinsiy a’zolari ham shakllanadi.

Bolangizning tanasi endi kamroq bukilgan va to‘g‘rilanishni boshlaydi. Yaqin vaqtgacha uning shakli bukilgan edi, ammo endi uning tanasi, oyoqlaridan tashqari, kamroq egilgan. Oyoqlari esa son sohasida egilgan holatda qoladi.

11 haftadan boshlab siz bolangizning ko‘kragida so‘rg‘ichlarni ko‘rishingiz mumkin. Bolangizning hanuzgacha bo‘ynida joylashgan quloqlari, endi deyarli o‘zining joyida, ya’ni boshning ikki tomonida joylashgan bo‘ladi.

Keyingi 3 hafta davomida bolangizning bo‘yi ikki barobarga uzayadi. O‘zingizda charchoqni his etishingiz ajablanarli emas. Hatto siz uxlayotganingizda ham, tanangiz kichkintoyingizni rivojlantirish uchun to‘liq ishlaydi.

11 hafta uchun maslahatlar

Agar siz hali ham shifokor qabuliga yozilmagan bo‘lsangiz, buni amalga oshirish vaqti keldi. Eringiz ham siz bilan borishi mumkin bo‘lgan vaqtni tanlang va shundan keyin hammasi qanday o‘tganligi haqida u bilan suhbatlashish uchun vaqt ajrating. Ehtimol, siz bolangizning dopplerda yoki UTTda aniq eshitiladigan yurak urishini eshitib, juda hayajonlanarsiz.

Tishlaringizni yuvishni unutmang! Og‘iz bo‘shlig‘i gigienasi har doim, va ayniqsa homiladorlik paytida muhim. Har kuni tish ipidan foydalaning, homiladorlik paytida kamida bir marta stomatologingiz qabuliga boring va tishlaringizni parvarish qilish uchun vaqt ajrating. Milkdan qon ketishi – bu ko’p uchraydigan holat. Va ular tishlarni tish cho‘tkasi va tish ipi bilan tozalash zaruriyatining belgisi bo‘lishi mumkin.

Homiladorligingiz sababli ishdan bo‘shaganingizda pulni yig‘ishni boshlang. Qora kunga tejash, moliyaviy maqsadlarni belgilash va ularga rioya qilish ishdan bo‘shash fikridan qutulishga yordam beradi. Agar homiladorlik rejalashtirilmagan bo‘lsa va siz ishdan rejalashtirganingizdan oldinroq tark etishingiz kerak bo‘lsa, bu ayniqsa muhimdir.