HIJRA
HIJRA, hijrat (arab. — koʻchib oʻtish) — Muhammad (sav) va tarafdorlarining Makkadan Madinaga koʻchishi. Oʻz diniy targʻibotini Makkada boshlagan Muhammad (sav) quraysh mushriklarining unga nisbatan dushmanligi kuchayishi, vaziyatning ogʻirla-shishi natijasida 622-y. safdoshlari bilan Madinaga koʻchishga majbur boʻldi. Koʻchish bir necha oy davom etgan, 638-y. da xalifa Umar buyrugʻi bilan musulmonlar oʻrtasida Hijra bilan bogʻliq taq-vim amalga kiritilgan, yaʼni 622-y. musulmon yil hisobining boshi deb eʼlon qilingan (q. Hijriy yil hisobi).
Ensiklopediya.uz
HIJRA