Haj ibodatini ado etish uchun qanday talablar qo‘yilgan? haqida to’liq ma’lumot oling

Haj ibodatini ado etish uchun qanday talablar qo‘yilgan?

AOKAda o‘tkazilgan brifingda (https://www.facebook.com/aoka.uz/videos/816582149730315/) Din ishlari bo‘yicha qo‘mita axborot xizmati rahbari Ilhom Ma’rupov bu boradagi ma’lumotlarni e’lon qildi.

1️⃣ “Haj-2022” mavsumida ishtirok etish uchun yosh chegarasi 65 yoshgacha etib belgilandi. Ushbu yosh chegarasiga 1957 yil 30 iyun kunidan keyin tug‘ilgan insonlar kiradi.

❗️Yosh chegarasi bilan bog‘liq mazkur tartib – O‘zbekiston tomonining emas, balki Saudiya Arabistonining qat’iy talabi hisoblanadi.

2️⃣ Bo‘lajak hojilar Jahon sog‘liqni saqlash tashkiloti tomonidan tasdiqlangan Pfizer/BioNTech, Oxford-AstraZeneca, Moderna yoki Johnson & Johnson vaksinalarining to‘liq dozasini qabul qilgan bo‘lishlari shart;

3️⃣Barcha ziyoratchilar meningitga qarshi 4 valentli vaksinani qabul qilgan bo‘lishi zarur;

4️⃣ Saudiya Arabistoniga kirishdan 72 soat oldin koronavirus diagnostikasi haqida salbiy natijali PZR ma’lumotnomani taqdim etishlari lozim.

📆 O‘zbekistonlik ziyoratchilar shu yilning 18-30 iyun kunlari Toshkent-Madina, Buxoro-Madina, Namangan-Madina, Samarqand-Madina, Qarshi-Madina, Urganch-Madina, Nukus-Madina yo‘nalishlari bo‘yicha haj safariga kuzatiladi hamda xuddi shu yo‘nalishlar bo‘yicha 14-31 iyul kunlari qaytib keladi.