GOLJI haqida malumot bilib oling.

GOLJI (Golgi) Kamillo (1844.7.7, Korteno — 1926.21.1, Paviya) — italiyalik gistolog. Paviya un-ti prof. (1875-y. dan). Nerv toʻqimasining mikroskopik preparatlarini xrom-kumush usulida tayyorlash metodini ishlab chiqqan (1873). 1898-y. da nerv sistemasi hujayralarini oʻrganish asosida maxsus toʻrsimon organoid mavjudligini isbotlab bergan. Keyinchalik hujayraning bu organoidi Golji kompleksi deb atala boshlandi. Nobel mukofoti laureati (Ramoni-Kaxal bilan hamkorlikda, 1906).