GEODEZIK ASTRONOMIYA haqida malumot bilib oling.

GEODEZIK ASTRONOMIYA — amaliy astronomiya boʻlimi; astronomik kuzatish natijalarini geodeziya va xaritagrafiyada qoʻllash usullarini ishlab chiqish bilan shugʻullanadi. Xususan, xaritagrafiya ishlarida yer sirtida tayanch sifatida birorta astronomik punktni aniqlash Geodezik astronomiyaning eng muhim vazifalaridan hisoblanadi. Astronomik punktning geografik uzunlamasi va kenglamasi juda katta aniqlik bilan astronomik kuzatishlar yordamida topiladi. Topografik suratga tushirishlarda ham bunday punkt hisob boshi va tayanch nuqta deb olinib, undan koʻp yillar davomida geodezik ishlarda foydalaniladi.