GAMADRIL haqida malumot bilib oling.

GAMADRIL (Papio hamadryas) – maymunlarning bir turi. Tor burunli maymunlar kenja turkumining marta shkalar oilasiga va pavianlar urugʻiga mansub. Juni kulrang, erkagida yopingʻichga oʻxshagan yoli bor. Shu belgisi bilan boshqa pavianlardan farq qiladi. Boʻyi 1 m cha, dumi kalta. Yuzining junsiz qismi, qulogʻi va katta quymich qadogʻi qizil. Arabiston ya. o. (Sudan) va Efiopiyada tarqalgan. Togʻ bagʻridagi qoyalarda va ochiq tekisliklarda poda boʻlib yashaydi. Qari erkagi podaga boshchilik qiladi. Qad. ajdodi daraxtlarda yashagan. Yil boʻyi urchiydi. Bittadan tugʻadi. Oʻsimlik va chumolilar bilan oziqlanadi. Baʼzan bogʻlarga va ekinlarga ziyon yetkazadi. Gamadril qadimdan Misrda muqaddas hayvon hisoblanadi.