DO`STLARGA ULASHING:

Ilhom faqat ish vaqtida keladi

*

Atrofimizda shunday ajoyib, fantastik narsalar bor. Yozuvchilar esa ahamiyatsiz, kundalik voqealarni behuda tasvirlab o‘tirishadi.

*

Baxt davolashi mumkin bo‘lgan narsani davolaydigan dori yo‘q.

*

Jilmay! Tashvish-mashaqqatlar rohatlanishiga yo‘l qo‘yma.

*

Uzoq kutayotgan yana ozgina kutishi mumkin.

*

Men boy emasman. Men puli bor kambag‘alman. Ikkalasi boshqa-boshqa tushuncha.

*

Odam bir martagina dunyoga kelmaydi, hayot uni qayta-qayta yangidan tug‘ilishga majbur etadi.

*

Odamning urushdagi hislarini tasvirlashga birgina “qo‘rquv” so‘zi yetarli bo‘lib turganda, shuncha so‘zni uvol qilishning nima keragi bor?

*

Oilaviy hayotda mayda g‘idi-bidilardan ko‘ra katta halokatlardan qutulish osonroq.

*

Yaxshi ishtaha uchun yomon ovqat yo‘q.

*

Kerak bo‘lmay qolgan vaqtdagina bilim va aql bizni yo‘qlab keladi.

*

O‘tgan baxtli kunlar haqida alam va afsuslanishlarsiz o‘ylay olish – juda g‘alati xususiyat.

*

Hamma narsaning joni bor. Faqat uning qalbini uyg‘otish kerak, xolos.

Orif Tolib tarjimasi