FIDE

FIDE

FIDE (FIDE; frans. Federation internationale des Eshecs) — xalqaro shaxmat federatsiyasi. 1924-y. Parijda tuzilgan. 149 mamlakatni birlashtiradi (1995); Oʻzbekiston — 1992-y. dan aʼzo. Shiori — «hammamiz bir oilamiz» (lot. Gens una sumus). Bir qancha yirik xalqaro musobaqani, shu jumladan, erkaklar (1927-y. dan) va ayollar (1957-y. dan) shaxmat olimpiadalari; shaxsiy (1886-y. dan erkaklar oʻrtasida, 1927-y. dan ayollar oʻrtasida) jahon chempionatlari va jamoalar oʻrtasida (1985-y. dan erkaklar jamoalari oʻrtasida, 4 y. da bir marta) birinchilik, shuningdek, sirtqi shaxmat (1947-y. dan) va tezkor shaxmat (1988-y. dan), koʻzi ojizlar (1966-y. dan) va kompyuterlar (1974-y. dan) oʻrtasida jahon chempionatlari, kompozitsiya tuzuvchilar oʻrtasida (1956-y. dan) tanlovlar uyushtiradi.

Ensiklopediya.uz
FIDE