DO`STLARGA ULASHING:

Bilamizki, bo‘lajak farzandning jinsi ona bo‘yida bo‘lish jarayonidanoq aniq bo‘ladi. Spermatazoid tuxumdon bilan uchrashgan payti bolaning jinsi aniq bo‘ladi. Agar bu spermatazoid X xromosomali bo‘lsa, u holda qiz tug‘iladi, agar Y xromosomali bo‘lsa o‘g‘il tugiladi. «Bu qo‘shilishga ta’sir ko‘rsatish mumkinmi?» — degan savol barchamiz oldida namoyon bo‘ladi. Qadim zamonlardan odamlar u yoki bu usullar bilan bo‘lajak farzand jinsini oldindan rejalashtirishga harakat qilganlar. Albatta, bu usullardan ko‘pi irimlar asosida amalga oshirilgan. Lekin bu degani ular asossiz degani emas, albatta. Chunki statistikaga qaraganda, oz bo‘lsada lekin bo‘lajak farzand jinsini rejalashtirish imkoniyati mavjud.

Keling, hozirgi kunda ilmiy natijalar asosida olimlarning farzand jinsini rejalashtirishga oid qarashlarini ko‘rib chiqamiz.

Spermatazoid roliga asoslangan usul

Spermatazoidlar X va Y xromosomali bo‘ladilar, ularning xususiyatlari har xil bo‘ladi. Y xromosomali spermatazoid maydaroq bo‘lib, chaqqonroq harakat qilib, tez nobud bo‘ladi. X xromosomali spermatazoid esa aksincha, uzoq yashab sekin harakat qiladi. Shuning asosida nazarya paydo bo‘lgan. Ovulyasiyadan oldin sodir bo‘lgan qo‘shilishda Y xromosomali spermatazoidlar nobud bo‘lib, ovulyasiya sodir bo‘lgunicha X xromasomali spermotozoidlar yashab turadi va homiladorlik QIZ bilan bo‘ladi. Agar aynan ovulyasiya paytida qo‘shilish sodir bo‘lsa u holda chaqqonroq bo‘lgan Y xromosomali spermatazoidlar tuxumdonga tezroq yetib borib uni homilalaydi va O‘G‘IL tug‘iladi. Lekin spermatazoidlar uchun aniq bir vaqt limiti mavjud. Ya’ni ular tuxumdonni 24-48 soat ichida homilalashlari lozim. Bu tuxumdonning yashash vaqti. Agar qo‘shilish bu vaqt mobaynida sodir bo‘lmasa, u holda keyingi sikl kutiladi.

Statistik ma’lumotlarga qaraganda, yosh oilalarda o‘g‘il tug‘ilishi ko‘p uchraydi, keyinchalik bu ko‘rsatkich qiz tomonga o‘zgarib boradi. Tepakal erkaklar ko‘p bo‘lgan avlodlar o‘gillarga boy bo‘ladi, tug‘ish orasidagi farq bir yil bo‘lsa ko‘pincha bir jinslik bolalar tug‘iladi, 3 yildan ortiq bo‘lsa bolalar har xil jinslik bo‘lishi ehtimoli katta. Abortdan keyin bo‘lib qolgan homiladorlik qiz tug‘ilishiga olib keladi…..va hokazo.

Qo‘shilish odlidan haroratni o‘lchash usuli

Homila bo‘lishining garovi bu ovulyasiyadir. Ovulyasiya qachon sodir bo‘lishini bilish bir oz qiyinroq. Eng oddiy uy sharoitiga mos bo‘lgan usul bu bazal temperaturani o‘lchash usuli. Ya’ni har kuni ertalab, aniq bir vaqtda o‘rindan turmay turib, orqangizga termometrni tiqib, 5 daqiqa davomida ushlab, u yerdagi haroratni o‘lchaysiz. Buni 3 sikl jarayonida qilish kerak. Temperatura 37.1-37.2 darajada bo‘lganda ovulyasiya bo‘lgan bo‘ladi. Undan tashqari ovulyasiyani UZD orqali ham aniqlash mumkin. O‘g‘il xohlasangiz ovulyasiya kuni qo‘shilishing, qiz xohlasangiz ovulyasiyadan 1-2 kun oldin qo‘shilsangiz bo‘ladi.

Diyeta qilish usuli

Natriy va kalliy moddalariga boy bo‘lgan mahsulotlarni iste’mol qilsangiz o‘g‘il tug‘ilish imkoniyati katta, agar qiz tug‘ilishini xohlasangiz, kalsiy va magniy moddalariga boy mahsulotlarni iste’mol qiling. Ya’ni o‘g‘il tug‘ilishini istagan ota — onalar homilador bo‘lish vaqtidan 2-3 oy oldin quyidagi mahsulotlarni ko‘plab iste’mol qilishlari lozim: kartoshka, chechevitsa, qo‘ziqorin, banan, o‘rik, apelsin, shaftoli, anjir qoqisi. Yeyish mumkin bo‘lmagan mahsulotlarga: ko‘katlar, karam, danaklar kiradi. Ovqat tayyorlaganda ko‘proq tuzlamoq lozim. Qiz bola tug‘ilishini xohlasangiz, quyidagi diyetadan foydalanishingiz mumkin: baqlajon, lavlagi, sabzi, bodring, piyoz, danaklar. Yeyish kerak bo‘lmagan mahsulotlarga: olxo‘ri, banan, apelsin, smorodina va qovun kiradi.

Qon yangilanishi usuli

Keng tarqalgan va oson aniqlanadigan usullardan biri — bu qon yangilanishi usulidir. Ayol organizmida qon har 3 yilda almashadi, erkak organizmida esa har 4 yilda almashar ekan. Shunga asosan ayolning homilador bo‘lish vaqtidagi yoshi 3 ga bo‘linadi, erkak yoshi esa 4 ga bo‘linadi. Natijada kimning qoldiq soni kattaroq chiqsa, bola o‘sha jinslik bo‘ladi. Lekin onaning qoni rezus faktori manfiy bo‘lsa, bu usul aksincha chiqadi. Masalan: Qo‘shilish vaqtida ona 28 yoshda, ota-32 yoshda bo‘lsa: 28:3=9 va 1 qoldig‘i 32:4=8 va qoldiq yo‘q Ona qoldiq son ota qoldiq sonidan yuqoriroq, onaning qoni yangiroq, demak, bu qo‘shilish natijasida qiz tug‘ilish imkoniyati katta.

Yuqorida aytib o‘tilgan maslahatlar bola jinsini rejalashtirishning 100% garovi emas.

(tibbiyot fanlari nomzodi, vrach Ostrovskaya Ye.A. ning maqolasining tarjimasi)

Farzand jinsini oldindan rejalashtirishning yaponcha va xitoycha usullari bilan ham tanishib chiqing.