DOʻRMON haqida malumot bilib oling.

DOʻRMON — oʻzbek qavmlaridan biri. Doʻrmon moʻgʻulcha toʻrt demakdir. Toʻrtta urugʻdan tashkil topgani uchun shunday atalgan boʻlishi ehtimol. Doʻrmon qabilasi Abulxayrxon (1428—68), umuman Oʻzbek ulusida katta nufuzga ega boʻlgan. Doʻrmonlar Oʻzbekiston, Tojikiston va Afgʻoniston hududlariga Dashti Qipchoqtn 16 — 17-a. davomida kelib oʻrnashgan. Doʻrmonlar Buxoro amirligining siyosiy hayotida faol qatnashib kelgan. Oʻzbekiston hududida Doʻrmon qavmi kichik-kichik guruhlarga boʻlinib tarqoq holda yashagan. Bular, asosan, Zarafshon daryosining oʻrta oqimi, Surxondaryo viloyatidagi Qoratogʻ daryosining oʻrta oqimi, Surxon daryosining yuqori oqimlarida, Bobotogʻ etaklarida, Toshkent vohasida, qisman Xorazm viloyatida joylashgan. Doʻrmon qavmining tarkibida oq qoʻyli, uvoq, uch urugʻ, koʻk chelak, noʻgʻay, gurdak, oy tamgʻali va b. boʻlinmalari boʻlgan. Markaziy Osiyoda Doʻrmon atamasi joy nomlari sifatida saqlanib qolgan (maye. Toshkent sh. yaqinidagi Doʻrmon qishlogʻi va b.).