DIMO Nikolay Aleksandrovich haqida malumot bilib oling.

DIMO Nikolay Aleksandrovich (1873.30.11, Orgeyev – 1959.15.3, Kishinyov) — tuproqshunos olim, VASXNIL akad. (1948), Moldaviyada xizmat koʻrsatgan fan va texnika arbobi (1946). No-voaleksandriya qishloq xoʻjaligi va oʻrmonchilik in-tini tugatgan (1902). SAGU (hoz. Oʻzbekiston milliy un-ti) va Kishinyov un-tini tashkil etishda qatnashgan; Oʻrta Osiyo tuproqshunoslik va geobotanika i. t. in-tiga (1920—31), Moldaviya FA Tuproqshunoslik in-tiga rahbarlik qilgan (1957—59). 1945-y. dan Kishinyov un-ti prof., tuproqshunoslik kafedrasi mudiri. Dimoning ilmiy ishlari tuproq geog. si, ularning shoʻrlanishi, biol. si, fizikasiga; Rossiya Yevropa qismi markaziy hududlari, Oʻrta Osiyo, Zakavkazye va Moldaviya tuproq melioratsiyasini oʻrganishga bagʻishlangan. Dimo rahbarligida Sirdaryo va Amudaryo oraligʻidagi tuproq qoplami tadqiq etildi, Oʻrta Osiyoning dastlabki tuproq xaritasi tuzildi.