Horijiy veb-saytlarda dasturlash haqida ma’lumot beruvchi  100-dan ortiq foydali maqolalarni bemalol topishingiz mumkin. Ammo bizning davlatda dasturlash 2010-yillardan boshlab keng rivojlana boshladi va u haqida ma’lumot beruvchi foydali ma’lumotlar endi-endi o’zbek dasturchilari tomonidan tayyorlanmoqda. Men ham sizlarga o’zimning tajribam va o’rganganlarimdan kelib chiqgan holda bu haqida ma’lumot berib o’tmoqchiman.

Dasturlash nima ?

Sodda qilib aytganda dasturlash bu kompyuterga buyruqlar berishdir. Qanday buyruqlar deysiz-mi ? Masalan men biror veb-sayt tayyorlamoqdaman va bu holatda uni tayyorlash uchun kompyuterga buyruqlarni yozishim kerak. Faqat komyuter o’zbek tilini yoki boshqa bir horijiy tilni tushinmaydi. Shuning uchun unga o’zi tushinadigan tilda ya’ni dasturlash tilida yozish kerak. Mana shu holat esa dasturlash deyiladi.

Bunday buyruqlarni ya’ni kodlarni yozish nima uchun kerak ? O’rinli savol. Dasturchi bunday kodlarni yozib har-xil qurilamalar uchun ilovalar, veb-saytlar, tizimlar va boshqa narsalar tayyorlashi mumkin.

Dasturchi ishlab chiqarayotgan mahsulotlardan sezishingiz  mumkinki dasturchilarga hozirgi kunda ehtiyoj juda yuqori. Chunki dasturchilar tomonidan tayyorlanadigan mahsulotlar asrimizning asosiy talablaridan biri.

Qanday qilib bunday talab katta bo’lgan kasbni egallashim mumkin ? Keyingi maqolam aynan shu mavzu haqida bo’ladi