DO`STLARGA ULASHING:

Chaqaloqqa sut yetishmasligini qanday qilib bilish mumkin🤱

Ona suti yetishmasligining asosiy belgilari:

-Bolaning bir oyda vazni yetarlicha oshmasligi;

-Ona sutining sutkalik miqdori kamayishi;

-Bolaning tashvishlanishi;

-«Quruq yo’rgak» alomati — sutkalik siydik hajmining kamayishi. Bir necha oylikli chaqaloq kuniga kamida olti marta siydik chiqarishi, bunda siydik rangsiz yoki och-sarg’ish bo’lishi kerak)

Ona sutini ko’paytirishning usullari 🍼

-Chaqaloqni tez-tez, uning talabiga ko’ra emizish;

-Rezina so’rg’ichlardan (soska) imkon qadar kamroq foydalanish: butilkachalardan suyuqlikni so’rib olish osonligi sababli, bola osoniga o’rganib qolishi va ko’krakni yaxshi emmasligi ehtimoli mavjud;

-Bola bilan yaqinroq bo’lish sutning ko’payishiga olib keladi, bola bilan ko’proq vaqt o’tkazishga harakat qiling;

-Bola emishni o’zi to’xtatmaguncha uni ko’krakdan olmaslik;

-3-4 soatlik intervallar bilan bolani turli ko’krak bilan emizish;

-Onaning to’yib uxlashi ham sut ishlab chiqarilishiga ijobiy ta’sir qiladi.

Manba©
@Yosh_onalarga_maslahatlar