Buxoro davlat tibbiyot instituti 1990-yil Vazirlar Mahkamasining qarori bilan tashkil etilgan. 1991-yil mart oyida institutga buyuk alloma Abu Ali ibn Sino nomi berilgan.
1991- yilda institutda davolash, 1992-1993- o‘quv yilidan stomatologiya fakultetlari faoliyat ko‘rsata boshlagan.
Institutning shakllanish va rivojlanish yo‘liga nazar tashlasak, 1991- yilda mazkur oliygohda faqat birgina yo‘nalish – davolash ishi o‘qitilgan bo‘lsa, keyinchalik 4 ta’lim yo‘nalishi bo‘yicha oliy ma’lumotli kadrlar tayyorlashga erishilgan ya’ni 1992- yildan stomatologiya, 1999- yilda Oliy hamshiralik ishi, 2001- yildan tibbiy-pedagogika ishi yo‘nalishi tashkil etilgan. 2017- yildan pediatriya, 2018- yildan tibbiy profilaktika hamda tibbiy. ta’lim yo‘nalishlari bo‘yicha jami ayni paytda 7 ta bakalavriyat hamda 11 ta magistratura va 40 dan ortiq klinik ordinatura yo‘nalishlarida kadrlar tayyorlanmoqda.
Institutning tarixan qisqa faoliyati davomida jami 8500 dan ortiq, shundan 5448 nafar davolash ishi, 2510 nafar stomotologiya, 507 nafar tibbiy pedagogika hamda 322 nafar oliy hamshiralik ishi yo‘nalishlarida oliy ma’lumotli shifokor kadrlar tayyorlangan.
