BOSHLANG`ICH TA`LIMDA 4-SINF O‘QUVCHILARINI XALQARO PIRLS NAZORATIGA TAYYORLASHNING METODIK ASOSLARI Текст научной статьи по специальности «Науки об образовании»

kundalik faoliyatida turli jadvallardan foydalanish;

4-sinf uchun 2020-2021-O’quv yili

Umumiy o‘rta va o‘rta maxsus, kasb-hunar ta’limi muassasalarida Ona tili fanini o‘qitishning asosiy maqsadi — o‘z fikrini og‘zaki va yozma tarzda to‘g‘ri va ravon bayon qiladigan, kitobxonlik madaniyati shakllangan, mustaqil va ijodiy fikrlay oladigan, o‘zgalar fikrini anglaydigan — muloqot va nutq madaniyati rivojlangan shaxsni kamol toptirishdan iborat.

Umumiy o‘rta va o‘rta maxsus, kasb-hunar ta’limi muassasalarida Ona tili fanini o‘qitishning asosiy vazifasi:

o‘quvchi shaxsini fikrlashga, o‘zgalar fikrini anglashga, o‘z fikrini og‘zaki hamda yozma shaklda savodli bayon qila olishga qaratilgan nutqiy kompetensiyani rivojlantirish;

o‘quvchilarda grammatikaga oid o‘zlashtiriladigan bilimlarni (fonetika, leksikologiya, so‘zning tarkibi, so‘z yasalishi, morfologiya, sintaksis, yozuv va imlo, tinish belgilari, nutq uslublari, stilistikaga oid tushunchalarni) rivojlantirish;

ona tilining keng imkoniyatlaridan unumli foydalangan holda to‘g‘ri va ravon bayon eta olishni rivojlantirishga qaratilgan lingvistik kompetensiyalarni shakllantirishdan iborat.

Ona tili fani bo‘yicha umumiy o‘rta va o‘rta maxsus, kasb-hunar ta’limi muassasalari (barcha ta’lim olish tillari bo‘yicha) bitiruvchilariga qo‘yilgan malaka talablari

1. Nutqiy kompetensiya (tinglab tushunish, so‘zlash, o‘qish, yozish):

Berilgan topshiriq, sodda matnlarni tinglab tushuna oladi;

matnni tushunib o‘qiy oladi;

og‘zaki nutqda so‘z va gaplar talaffuziga rioya qila oladi;

65 — 70 so‘zdan iborat diktantni yoza oladi;

xabar, tasvir asosida 5-6 gapdan iborat matn yarata oladi, xatboshi va husnixatga amal qiladi; imlo va tinish belgilarini ishlatish qoidalariga amal qila oladi;

do‘sti, ota-onasi, ustoziga tabriknoma yoki xat yoza oladi.

sodda matnning asosiy mazmunini tushunadi va tushuntira oladi;

matn mazmunini tushunib ifodali o‘qiy oladi;

70 — 75 so‘zdan iborat diktantni yoza oladi;

7-8 gapdan iborat xabar yoki rasm asosida matn tuza oladi.

1. Lingvistik kompetensiya (fonetika, grafika, orfoepiya, orfografiya, leksika, grammatika va uslubiyatga oid):

ona tilidagi nutq tovushlarini farqlay oladi, bo‘g‘in ko‘chirish qoidalariga amal qila oladi;

mavzuga oid yangi so‘zlarni og‘zaki va yozma nutqda qo‘llay oladi;

yozma nutqda tinish belgilarini to‘g‘ri qo‘llay oladi.

so‘zlarning tovush tarkibini orfoepik jihatdan to‘g‘ri shakllantira oladi;

gapning ifoda maqsadiga ko‘ra turlarini farqlay oladi va yozma nutqda o‘rinli qo‘llay oladi.

ONA TILI fanidan o‘quv

DASTURi (1-4 SINF)

UQTIRISH XATI

Boshlang‘ich ta’limning ona tili fani o‘quv dasturi o‘quvchilarda kompetensiyalarni shakllantirishga yo‘naltirilgan Davlat ta’lim standarti talablaridan kelib chiqib tuzildi. Ushbu o‘quv dasturida 1-4-sinf o‘quvchilarida tayanch hamda fanga oid (nutqiy va lingvistik) kompetensiyalarning elementlarini shakllantirish ko‘zda tutilgan.

Boshlang‘ich ta’limda – o‘quvchilarning savodxonligini ta’minlash, ularni og‘zaki va yozma nutqida adabiy nutq me’yorlariga rioya qilishga o‘rgatishdan iborat. Mazkur ona tili o‘quv dasturi quyidagi bo‘limlarni o‘z ichiga oladi:

1. Savod o‘rgatish va nutq o‘stirish.

2. Fonetika, grammatika, imlo va nutq o‘stirish.

Savodga o‘rgatish davri 2-sentabrdan to dekabr oyining oxirigacha bo‘lgan muddatni, ya’ni ikki o‘quv choragini qamrab oladi. Savodga o‘rgatish jarayoni tayyorgarlik va alifbe davridan tashkil topadi. Tayyorgarlik va alifbe davrida ta’lim savodga o‘rgatishning tahlil-tarkib (analitik-sintetik) tovush usulida amalga oshiriladi. Savodga o‘rgatishning tahlil-tarkib usuliga ko‘ra matndan gap, gapdan so‘z, so‘zdan bo‘g‘in va tovush, yoki aksincha, tovush > bo‘g‘in > so‘z > gap > matn uzviy aloqada butundan bo‘lakka, bo‘lakdan butunga qarab tahlil-tarkib qilinadi. Bu esa o‘quvchilar tafakkur faoliyatini onglilik, tushunarlilik, mantiqiylik, didaktik mezonlar asosida rivojlantirish imkoniyatini vujudga keltiradi. Boshlang‘ich ta’limning ilk savodga o‘rgatish davridanoq, o‘quvchilar nutqini yangi so‘zlar hisobiga boyitishga alohida e’tibor qaratiladi.

“Alifbe” darsligida berilgan: yangi so‘zlar, matn, kichik hikoya va she’rlardan foydalanib, o‘quvchilarni so‘z ma’nosi bilan atroflicha tanishtirishda, she’riy va nasriy matnlarni yodlatish, qayta hikoyalashga e’tibor beriladi. Sinfdan tashqari o‘qish darslari o‘quvchilarni bolalar adabiyoti namunalari bilan tanishtirib borishga, ularni mustaqil o‘qishga, o‘qituvchi va ota-onalar yordamida badiiy o‘qishga qiziqtirish, nutqini boyitish va rivojlantirishga yordam beradi. Boshlang‘ich ta’limning ilk savodga o‘rgatish davridanoq, o‘quvchilar nutqini yangi so‘zlar hisobiga boyitishga alohida e’tibor qaratiladi.

Ona tili erkin fikrlay olish, o‘zgalar fikrini anglash, o‘z fikrlarini og‘zaki va yozma ravishda bayon qila olish, kishilar bilan erkin muloqotda bo‘la olish ko‘nikma va malakalarini rivojlantirishga xizmat qiladi.

Ona tili (1-4-sinf) mazmuni quyidagilarni o‘z ichiga oladi:

Ona tilining fonetik tizimi:

nutq tovushlari va harflar, unli tovushlar va harflar, undosh tovushlar va harflar, jarangli va jarangsiz undoshlar, alifbo, bosh va kichik harflar, tutuq belgisi (fonetik tahlil);

bo‘g‘in va bo‘g‘in tuzilishi, so‘zlarni bo‘g‘inlab ko‘chirish. So‘z va so‘z ma’nolari (lug‘aviy tahlil: bir ma’noli so‘zlar, qarama-qarshi ma’noli so‘zlar, ko‘p ma’noli so‘zlar);

So‘z tarkibi: asos va qo‘shimcha (turlovchi, tuslovchi va yasovchi), asoslarda tovush o‘zgarishi, asos va qo‘shimchalar imlosi;

So‘z ma’nosi: so‘zlarning ma’nosiga ko‘ra guruhlash: shaxs-narsalar nomini bildiruvchi so‘zlar, shaxs-narsalarning harakatini, belgisini, sanog‘ini va tartibini bildiruvchi so‘zlar, shaxs-narsaga ishorani ifodalovchi so‘zlar (shaxsga nisbatan kishilik olmoshi).

Gap, gapning fikr bildirishi, gapning maqsadga ko‘ra turlari (darak, so‘roq, buyruq va his-hayajonni bildiruvchi gaplar), gapda tinish belgilarining ishlatilishi (nuqta, so‘roq, undov va h.k.), yozma nutqda ishlatiladigan muhim (ayrim) belgilar: vergul, qavs, ikki nuqta, ko‘p nuqta;

gapning gap bo‘laklariga ko‘ra tuzilishi: gapning asosiy mazmunini bildiruvchi bo‘laklar (ega va kesim), gapning asosiy mazmunini to‘ldiruvchi bo‘laklar (ikkinchi darajali bo‘laklar – ularning turi va nomlaridan mustasno);

gapda so‘zlarning o‘zaro bog‘lanishi, so‘z birikmasi, gapning uyushiq bo‘laklari, ularning o‘zaro bog‘lanishi (ohang, bog‘lovchi so‘zlar yordamida);

Undalma uning shaxsga qarab bilishi, undalmali gaplarda tinish belgisining ifodalanishi. Gap va matn, matnning tuzilishi: mavzu, voqea tafsiloti, asosiy fikr bayoni, xulosa chiqarish, reja tuzish, sarlavha, xat boshi, dialog, monolog nutq, bayon, kichik hikoya;

Husnixatga o‘rgatish. Husnixatga o‘rgatishning vazifasi harf, so‘z, gap va matnni to‘g‘ri va chiroyli yozishni takomillashtirishdir. Yozuvni o‘rganish jarayonida o‘quvchi tovushning shakli bo‘lgan harfni, so‘z va gapni kitobdan va doskadan to‘g‘ri, husnixat qoidalariga rioya qilib ko‘chirib yozish, yozganlarini tekshira olish va yo‘l qo‘ygan grafik kamchilik hamda xatolarini o‘qituvchi rahbarligida o‘zi tuzata olishi kerak. Bu davrda eshitib yozish ko‘nikmalari ham rivojlantirib boriladi. 1-sinfda o‘quv yilining 2-yarmidan boshlab husnixat malakalari takomillashtirib boriladi. Shuningdek, 2-4-sinflarda esa har bir ona tili darsining 5-8 daqiqasi “Husnixat daqiqasi”ga ajratiladi.

1-4-sinflarda “Iqtisod va soliq alifbosi” fanining sodda elementlari ona tili fani mazmuniga, ya’ni mavzular kesimida ham singdirib o‘qitilishi ko‘zda tutilgan.

Shuningdek, 1-4-sinflarda ona tili fani chuqur o‘rganiladigan ixtisoslashtirilgan davlat umumta’lim muassasalarida ta’lim jarayonini takomillashtirish, ta’lim sifati va samaradorligini oshirish, o‘quvchilardagi qobiliyat va iste’dodni yanada kamol toptirish uchun ixtisoslikka yo‘naltirilgan o‘quv dasturi kompetensiyalarni shakllantirishga yo‘naltirilgan o‘quv dasturiga moslashtirildi. Bunda yillik o‘quv soatlari A1 bosqichda 608 soat bo‘lsa, A1+ bosqichida esa 680 soatni tashkil etadi. Jumladan, nutq o‘stirish va husnixat darslari uchun har bir sinflar kesimida 68 soatdan ajratilgan.

Boshlang‘ich sinf o‘quvchilarida tayanch va fanga oid (nutqiy va lingvistik) kompetensiyalarning shakllantirilishi belgilab berilgan. Bunga ko‘ra, Ona tili fanini o‘qitish jarayonida boshlang‘ich sinf o‘quvchilarida quyidagi tayanch kompetensiya elementlari shakllantirilib boriladi.

O‘quvchilarda shakllantiriladigan tayanch kompetensiya elementlari:

Axborotlar bilan ishlash kompetensiyasi:

radiodan eshitgan, televizordan ko‘rgan lavhalarni tushunish va turli manbalardan kerakli ma’lumotlarni izlab topish hamda undan foydalana olish;

televizor, radio, telefon orqali berilgan xabarlarni gapirib bera olish;

darsda kitob bilan ishlay olish, o‘rganilayotgan mavzuni, kerakli qoidani, mashqni topish, mashq topshiriqlarini tartibi bilan bajarish. A1+

media vositalaridan, didaktik materiallaridan foydalanib, topshiriqlarni bajarish.

O‘zini o‘zi rivojlantirish kompetensiyasi:

o‘quv fanlarini o‘rganish va bir-biridan farqlash;

mustaqil ma’noga ega bo‘lgan bir necha so‘zdan tuzilgan so‘zni topish va namuna asosida so‘zlar tuzish;

rasmli kitoblar, jurnal va gazetalarni mustaqil o‘qib-o‘rganish orqali bilimini muntazam oshirib borish;

kun tartibiga rioya qilish, uni to‘g‘ri tashkil etish va badantarbiya bilan shug‘ullanish;

kattalarni hurmat qilish, ularning nasihatiga amal qilish, jamoat joylarida o‘zini tuta bilish.

A1+ og‘zaki va yozma matnlar mazmuniga to‘g‘ri baho berish;

o‘zining xato va kamchiliklarini to‘g‘ri tushunib, o‘zini nazorat qila olish va xatolarini tuzatishga harakat qilish, kattalarga, kichiklarga va o‘rtoqlariga yordam berish.

Ijtimoiy faol fuqarolik kompetensiyasi:

A1 maktabda, oilada va turar joylarida bo‘layotgan jarayonlarda (turli tadbirlar va h. k.) ishtirok etish;

o‘zining o‘quvchilik burch va huquqlarini, vazifalarini bilish va ularga rioya qilish;

davlat ramzlarini bilish, davlat ramzlariga hurmat va ehtirom ko‘rsata olish;

maktabda va maktabdan tashqari tadbirlarda (ko‘rik-tanlovlar va h. k.) ishtirok etish hamda muomala madaniyatiga amal qilish;

sinfda va oilada o‘z o‘rnini bilish, o‘ziga yuklatilgan vazifalarni anglay olish;

o‘zidan kattalarga, o‘rtoqlariga va o‘zidan kichiklarga yordam berish;

sinfdagi jihozlar va o‘quv qurollarini asrab-avaylash.

A1+ jamiyatda bo‘layotgan voqea, hodisa va jarayonlarga munosabat bildirish

Milliy va umummadaniy kompetensiyasi:

A1 orasta kiyinish va gigienik talablarga amal qilish;

maktabning ichki qoidalariga va odob-axloq qoidalariga rioya qilish;

yaxshi va yomon odatlarni bir-biridan farqlay olish;

milliy bayramlarni, milliy qadriyatlarni, o‘zi yashab turgan tarixiy obidalarni bilish va ularni bir-biridan farqlash.

A1+ Vatanimizda mustaqillik yillarida bunyod etilgan inshootlarni hamda tarixiy obidalarni bilish va ularni bir-biridan farqlash.

Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:

A1 sinfida va oilada necha nafar kishi borligini, sinf xonasi jihozlari va o‘quv qurollari sonini bilish;

Mamlakatimizda nishonlanadigan bayram kunlari sanalarini aniq aytish;

kundalik faoliyatida turli jadvallardan foydalanish;

ehtiyoji uchun kerak bo‘lgan narsalardan (o‘quv qurollari, kiyim-kechagi va h. k.) tejab foydalana olish;

aniq hisob-kitoblarga asoslangan holda shaxsiy rejalarni tuzish, kundalik faoliyatda mavzuga oid jadvallarni o‘qish.

A1+ aniq hisob-kitoblarga asoslangan holda shaxsiy rejalarni tuza olish, kundalik faoliyatda mavzuga oid jadvallarni o‘qiy olish.

Shuningdek, me`yoriy hujjatlarni yuritishda tayanch va fanga oid kompetensiyalar quyidagicha yozilishi tavsiya qilinadi.

1. TK1 – kommunikativ kompetensiya
2. TK2 – axborotlar bilan ishlash kompetensiyasi
3. TK3 – o‘zini-o‘zi rivojlantirish kompetensiyasi
4. TK4 – ijtimoiy faol fuqarolik kompetensiyasi
5. TK5 – milliy va umummadaniy kompetensiya
6. TK6 – matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi

1. FK1 – nutqiy kompetensiya
2. FK2 – lingvistik kompetensiya

UQTIRISH XATI
Umumiy o‘rta ta’limning boshlang‘ich sinflarda o‘qish fani o‘quvchilarni ongli, to‘g‘ri va ifodali o‘qishga o‘rgatish bilan birga ularda kitobxonlik va nutq madaniyatini hamda mustaqil fikrlash qobiliyati shakllantiradi. O‘quvchilarni har tomonlama rivojlantirishga xizmat qiladi.

Boshlang‘ich sinflarida o‘qish fanini o‘qitishning asosiy maqsadi:

milliy hamda jahon adabiyotining nodir namunalarini o‘qitish orqali o‘quvchilarning ma’naviy-axloqiy dunyosi, adabiy-estetik didini shakllantirish hamda ularda mustaqil fikrlash, obrazli tafakkurga oid bilim, ko‘nikma, malakalarni hosil qilish va rivojlantirish;

o‘quvchilarni badiiy adabiyotga qiziqtirish, asarlarni o‘rgatish jarayonida olam va inson tabiati, milliy hamda umuminsoniy qadriyatlar, shuningdek, kitobxonlik madaniyatini shakllantirish orqali o‘quvchilarning ma’naviyatini, dunyoqarashini kengaytirib, mustahkamlab borishdan iborat.

O‘qish (1-4-sinf) fanini o‘qitishning asosiy vazifasi:

o‘quvchilarning og‘zaki nutqi adabiy til me’yorlari asosida shakllanishi va rivojlanishini ta’minlash, nutqiy kompetensiyani o‘stirish;

yozma nutqda yuksak savodxonlik, adabiy til me’yorlariga rioya etish, uslubiy rang-baranglikdan foydalana olish ko‘nikma va malakalarini rivojlantirish hamda dastlab tanish, keyin notanish matn ifodali o‘qitilib, o‘quvchidagi ko‘nikma, malaka aniqlanadi. Shuningdek, miqdoriy ko‘rsatkich – o‘qish tezligi, ongli va ravon o‘qish, bir daqiqada nechta so‘z o‘qiy olishi ham belgilanadi.

Bolaning matn mazmunini to‘liq o‘qib olishi, qayta hikoyalashi, shuningdek, o‘zgalar nutqini eshitib, tushunib olishi maqsad qilinadi.

Mazkur dasturdan o‘rin olgan vatan mavzusidagi asarlar o‘quvchilarni mamlakatimizning ijtimoiy-siyosiy, madaniy-ma’rifiy hayoti va xalqimizning bunyodkorlik yo‘lidagi olib borayotgan ishlari bilan tanishtirishga yordam beradi.

1-sinfning o‘quv yili oxirida bolalar Vatan va uning tabiati, insoniy qadriyatlari haqida kichik-kichik asarlarni o‘qiydilar.

2-sinfda shakl va mazmun jihatdan uncha murakkab bo‘lmagan Vatan, ona tabiat, istiqlol, kishilarning hayoti va mehnati, axloqiy munosabatlar haqidagi asarlar bilan tanishadilar.

3- va 4-sinflar o‘qish dasturida mavzular ko‘lami ancha kengayadi.

Bu sinflarda o‘qish darslarining kattagina qismi asarni o‘qish va matn ustida ishlashga qaratiladi.

Darsda o‘quvchilarning faolligini oshiradigan, tasavvurlarini boyitadigan usullardan foydalanish, asarlarni janr mazmunidan kelib chiqib, rollarga bo‘lib o‘qish, qahramonlar nomidan qayta hikoya qilish, qahramonning taqdiri haqidagi hikoyani davom ettirish, qiziqarli mavzularda og‘zaki hikoya tuzdirish kabi ijobiy topshiriqlardan foydalanish kabi ishlar amalga oshiriladi.

Sinfdan tashqari o‘qish o‘qish darslari bilan bog‘lab olib boriladi. Sinfdan tashqari o‘qish mazmuniga ko‘ra ta’limning har bir bosqichida ikki asosiy bo‘limga ajratiladi:

Birinchi bosqichda o‘qish doirasi, ya’ni o‘qitiladigan kitoblar va ularni qaysi tartibda o‘qish bilan tanishtirish yuzasidan o‘quvchilarga ko‘rsatma beriladi.

Ikkinchi bosqichda shu o‘quv materiallar asosida bilim, ko‘nikma va malakalar shakllantiriladi. O‘quvchilar kitob va ularning mualliflari haqidagi bilimlarni bevosita amaliy faoliyatlari, ya’ni kitob ustida ishlash jarayonida egallaydilar. O‘quvchilar o‘qituvchi rahbarligi ostida avval mavzuga oid bir necha kitob bilan tanishsa, keyinroq bolalar yozuvchilarning asarlari bilan tanishadilar, so‘ngra bolalarning qiziqishlariga mos, ruhiyatlariga yaqin har xil mualliflarning bir mavzuga doir kitoblarini mustaqil tanlab olishga o‘tadilar.

O‘quvchilar milliy va jahon adabiyotlarini o‘qib, tahlil qilish asosida ezgulik va yovuzlik, yaxshilik va yomonlik, go‘zallik va xunuklik haqidagi xilma-xil talqinlarga duch kelishadi. Ularga ongli munosabat bildirish hamda o‘zlaridagi axloqiy-ma’naviy fazilatlarning shakllanishi va rivojlanishiga zamin yaratadi. Mutolaa o‘quvchilarning og‘zaki hamda yozma nutqlari rivojlanadi. Bolaning matn mazmunini to‘liq uqib olishi qayta hikoyalashi, shuningdek, o‘zgalar nutqini eshitib, tushunib olishi malakalari hosil qilinadi.

1-4-sinflarda “Konstitutsiya alifbosi”, “Dinlar tarixidan umumiy tushunchalar”, “Iqtisod va soliq alifbosi”, “Salomatlik darslari”, “Tejamkorlik saboqlari” kabi fanlarning sodda elementlari o‘qish fani mazmuniga, ya’ni mavzular kesimida singdirib o‘qitilishi ko‘zda tutilgan. Shuning uchun amaliy-tajriba va sinov mashqlarida kundalik faoliyatda shaxsiy, oilaviy va iqtisodiy vaziyatlarga, jumladan, tejamkorlikka, mehnatni yengillashtirish va samaradorligini oshirishga, savdo-sotiq bilan bog‘liq hamda sodda algoritmlarni kundalik vaziyatlarda qo‘llay olishga bog‘liq bo‘lgan masalalar yechilishi lozim. Dasturda fanni chuqurlashtirilib o‘qitiladigan 2-3-4-sinflar (A1+) uchun mavzularga ajratilgan soatlar va kompetensiya elementlari alohida ko‘rsatilgan.

Boshlang‘ich sinf o‘quvchilarida tayanch va fanga oid adabiy-nutqiy va badiiy asarlarni tahlil qilish kompetensiyalarning shakllantirilishi ham belgilab berilgan. O‘zbekiston Respublikasida ta’limning uzluksizligi, uzviyligi, o‘quvchi shaxsi va qiziqishlari ustuvorligidan kelib chiqib, ularning yosh xususiyatlariga mos ravishda o‘qish fanidan quyidagi tayanch kompetensiyalar shakllantiriladi.

O‘quvchilarda shakllantiriladigan tayanch kompetensiya elementlari:

Axborot bilan ishlash kompetensiyasi:

A1 mavjud axborot manbalaridan eshittirishlarni tinglab tushunib va gapirib bera olish;

o‘z yoshiga mos kitoblarni, gazeta va jurnallarni tanlay olish va kutubxonadan foydalana olish;

kundalik faoliyatda uchraydigan hujjatlar (oddiy tabriknomalarni yoza olish) bilan ishlay olish.

A1+ axborot manbalardan (turli badiiy adabiyotlardan) oqilona foydalana olish va ulardan xulosa chiqarish.

O‘zini o‘zi rivojlantirish kompetensiyasi:

o‘quv fanlarini o‘rganish va bir-biridan farqlay olish;

o‘z xatosini tushunib, tuzatishga harakat qilish;

turli janrdagi (ertak, masal, hikoya va she’rga doir) kitoblarni muntazam o‘qib-o‘rganib borish va bilimini oshirish;

yaxshilik va yomonlikni bir-biridan farqlay olish va yaxshi fazilatlarni o‘zida aks ettirish.

A1+ o‘zini nazorat qilish;

og‘zaki va yozma matnlar mazmuniga to‘g‘ri baho berish.

Ijtimoiy faol fuqarolik kompetensiyasi:

A1 davlat ramzlarini bilish;

o‘zining o‘quvchilik burchi va vazifalarini bilishi va unga rioya qilish;

o‘zidan kattalarga, o‘rtoqlari va o‘zidan kichiklarga yordam berish.

A1+ sinfda va oilada o‘z o‘rniga ega bo‘lish.

Milliy va umummadaniy kompetensiyasi:

A1 orasta kiyinish, yurish turishda kattalardan o‘rnak olish;

milliy bayramlarni bilish;

odob-axloq qoidalariga rioya qilish.

A1+ o‘z uyi, maktabi, turar mahallasini qadrlash.

Matematik savodxonlik, fan va texnika yangiliklaridan xabardor bo‘lish hamda foydalanish kompentensiyasi:

A1 maktabga kelib ketadigan vaqtni bilish;

tejamkorlikka rioya qilish;

kundalik rejalarini tuza olish.

A1+ ehtiyoji uchun kerak bo‘ladigan narsalardan (o‘quv qurollari, kiyim-kechagi va h.k.) tejab foydalanish.

Shuningdek, me’yoriy hujjatlarni yuritishda tayanch va fanga oid kompetensiyalar quyidagicha yozilishi tavsiya qilinadi.

1. TK1 – kommunikativ kompetensiya
2. TK2 – axborotlar bilan ishlash kompetensiyasi
3. TK3 – o‘zini-o‘zi rivojlantirish kompetensiyasi
4. TK4 – ijtimoiy faol fuqarolik kompetensiyasi
5. TK5 – milliy va umummadaniy kompetensiya
6. TK6 – matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi

1. FK1 – adabiy-nutqiy kompetensiya
2. FK2 – badiiy asarni tahlil qilish kompetensiyasi

3-§. MATEMATIKA FANI

Umumiy o‘rta va o‘rta maxsus, kasb-hunar ta’lim muassasalarida Matematika fanini o‘rganish bosqichlari

Ta’lim bosqichi	Bitiruvchilar	Standart darajasi	Daraja nomlanishi
Umumiy o‘rta ta’lim	Umumta’lim maktablarining boshlang‘ich 4-sinf bitiruvchilari	A1	Matematika fanini o‘rganishning boshlang‘ich darajasi
	Matematika fani chuqur o‘rganiladigan ixtisoslashtirilgan umumta’lim muassasalarining boshlang‘ich 4-sinf bitiruvchilari	A1+	Matematika fanini o‘rganishning kuchaytirilgan boshlang‘ich darajasi

Matematika o‘quv fanining maqsad va vazifalari

Umumiy o‘rta va o‘rta maxsus, kasb-hunar ta’limida matematika fanini o‘qitishning asosiy maqsadi:

O‘quvchilarda kundalik faoliyatda qo‘llash, fanlarni o‘rganish va ta’lim olishni davom ettirish uchun zarur bo‘lgan matematik bilim va ko‘nikmalar tizimini shakllantirish va rivojlantirish;

jadal taraqqiy etayotgan jamiyatda muvaffaqiyatli faoliyat yurita oladigan, aniq va ravshan, tanqidiy hamda mantiqiy fikrlay oladigan shaxsni shakllantirish;

milliy, ma’naviy va madaniy merosni qadrlash, tabiiy-moddiy resurslardan oqilona foydalanish va asrab-avaylash, matematik madaniyatni umumbashariy madaniyatning tarkibiy qismi sifatida tarbiyalashdan iborat.

Umumiy o‘rta va o‘rta maxsus, kasb-hunar ta’limi muassasalarida matematika fanini o‘qitishning asosiy vazifalari:

O‘quvchilar tomonidan matematik tushunchalar, xossalar, shakllar, usullar va algoritmlar haqidagi bilim, ko‘nikmalar egallanishini ta’minlash;

inson kamoloti va jamiyat taraqqiyotida matematikaning ahamiyatini anglash, ijtimoiy-iqtisodiy munosabatlar, kundalik hayotda matematik bilim va ko‘nikmalarni muvaffaqiyatli qo‘llashga o‘rgatish;

o‘quvchilarning individual xususiyatlarini rivojlantirgan holda, mustaqil ta’lim olish ko‘nikmalarini shakllantirish;

fanlar integratsiyasini inobatga olgan holda o‘quvchilarda, milliy va umuminsoniy qadriyatlarni, kreativlikni shakllantirish hamda ongli ravishda kasb tanlashga yo‘naltirishdan iborat.
Matematika o‘quv fani bo‘yicha umumiy o‘rta va o‘rta maxsus, kasb-hunar ta’limi muassasalari bitiruvchilariga qo‘yiladigan malaka talablari

1. Matematika mazmuniga oid umumiy kompetensiya

berilgan sonlarni va eng sodda kasrlarni o‘qiydi, yozadi, taqqoslay oladi, tartibga solib, turli ko‘rinishlarda tasvirlay oladi;

sodda sonli ifodaning qiymatini og‘zaki va yozma hisoblay oladi;

sodda amaliy, matnli va mantiqiy masalalarni yecha oladi;

tekislik va fazodagi sodda geometrik figuralarni tasavvur qiladi, taniydi va tasvirlay oladi;

ob’ektlarni xossalari bo‘yicha tartiblaydi va sodda kombinatsiyalar tuza oladi;

sodda amaliy holatlarda tayyor jadvallarga ma’lumotlar kirita oladi, eng sodda diagrammalar shaklida tasvirlay oladi.

arifmetik hisob-kitob texnikasiga va juft-toqlikka oid qiziqarli, nostandart va matnli masalalarni yecha oladi;

bo‘yashlar, qoplashlar, qirqishlar, simmetriyaga oid sodda geometrik masalalarni yecha oladi;

sodda amaliy vaziyatlarda kombinatorik va mantiqiy masalalarni yecha oladi;

elektron axborot manbalaridan turli ko‘rinishdagi sodda matematik ma’lumotlarni izlab topadi, foydalana oladi.

2. Kognitiv kompetensiya (shaxsning mustaqil ijodiy fikrlashi)

ma’lum matematik faktlar va sodda mantiqiy qonunlar asosida xulosa keltirib chiqara oladi, rost va yolg‘on tasdiqlarni farqlay oladi;

zarur hollarda sodda hisoblash vositalarini qo‘llay oladi;

o‘qituvchi bilan hamkorlikda masalaning yechimini topish rejasini tuza oladi, tuzilgan reja asosida ishlay oladi va o‘z faoliyatini to‘g‘rilay oladi;

matematikani o‘rganish jarayonida o‘zida ijobiy hissiyotlarni shakllantira oladi;

mustaqil ravishda o‘z bilimlarini mustahkamlay oladi.

o‘qituvchi bilan hamkorlikda o‘quv va amaliy holatlarda maqsadni ifodalay oladi;

o‘qituvchi bilan hamkorlikda nostandart va qiziqarli masalaning yechimini topish rejasini tuza oladi, tuzilgan reja asosida ishlay oladi va o‘z faoliyatini to‘g‘rilab oladi.

BOSHLANG`ICH TA`LIMDA 4-SINF O‘QUVCHILARINI XALQARO PIRLS NAZORATIGA TAYYORLASHNING METODIK ASOSLARI Текст научной статьи по специальности «Науки об образовании»

Adabiy ta`lim / adabiy tahlil va talqin / didaktik qoida / deduksiya / induksiya / tanqidiy / kreativ / mustaqil fikrlash / ijodiy qobiliyat. / литературное образование / литературный анализ и интерпретация / дидактическое правило / дедукция / индукция / критическое / творческое / самостоятельное мышление / творческие способности.

Аннотация научной статьи по наукам об образовании, автор научной работы — Xolida Gulomova, Hilola Sapayevna Bakiyeva

Ushbu maqolada boshlang`ich sinf o`quvchilarining mantiqiy, tahliliy, tanqidiy , kreativ , mustaqil fikrlash ko`nikmalarini shakllantirish orqali ijodiy qobiliyatlarini ro`yobga chiqarish shaxsga yo`naltirilgan rivojlantiruvchi ta`limning muhim jihati ekani xususida so`z yuritiladi.

i Надоели баннеры? Вы всегда можете отключить рекламу.

Похожие темы научных работ по наукам об образовании , автор научной работы — Xolida Gulomova, Hilola Sapayevna Bakiyeva

PIRLS TALABLARI ASOSIDA O`QUVCHILARNING ANGLASH VA UNI IZOHLASH MALAKALARINI MUSTAQIL ISHLAR JARAYONIDA RIVOJLANTIRISH

Boshlang’ich sinf o’qish darsida interfaol uslublardan foydalanishning ta’limiy ahamiyati
BOSHLANG‘ICH SINF DARSLIKLARIDAGI MAQOLLARNING PIRLS TADQIQOTI DARAJASIDAGI TAHLILI
PIRLS XALQARO TADQIQOTLARIGA TAYYORLASH: MUAMMO VA YECHIMLAR
BOSHLANG’ICH SINFDA O’QISH DARSLARINI TASHKIL ETISH METODIKASI
i Не можете найти то, что вам нужно? Попробуйте сервис подбора литературы.
i Надоели баннеры? Вы всегда можете отключить рекламу.

МЕТОДОЛОГИЧЕСКИЕ ОСНОВЫ ПОДГОТОВКИ УЧАЩИХСЯ 4 КЛАССА НАЧАЛЬНОГО ОБРАЗОВАНИЯ К МЕЖДУНАРОДНОМУ КОНТРОЛЮ PIRLS

В данной статье утверждается, что реализация творческих способностей учащихся начальной школы через формирование логических, аналитических, критических , творческих навыков независимого мышления является важным аспектом личностно-ориентированного развивающего образования.

Текст научной работы на тему «BOSHLANG`ICH TA`LIMDA 4-SINF O‘QUVCHILARINI XALQARO PIRLS NAZORATIGA TAYYORLASHNING METODIK ASOSLARI»

BOSHLANGICH TALIMDA 4-SINF O’QUVCHILARINI XALQARO PIRLS NAZORATIGA TAYYORLASHNING METODIK ASOSLARI

CHDPI katta o’qituvchisi

Hilola Sapayevna Bakiyeva

Nizomiy nomli TDPI o’qituvchisi, pedagogika fanlari bo’yicha falsafa doktori

Annotatsiya: Ushbu maqolada boshlang’ich sinf o’quvchilarining mantiqiy, tahliliy, tanqidiy, kreativ, mustaqil fikrlash konikmalarini shakllantirish orqali ijodiy qobiliyatlarini ro’yobga chiqarish shaxsga yo’naltirilgan rivojlantiruvchi talimning muhim jihati ekani xususida so’z yuritiladi.

Tayanch so’zlar: Adabiy ta’lim, adabiy tahlil va talqin, didaktik qoida, deduksiya, induksiya, tanqidiy, kreativ, mustaqil fikrlash, ijodiy qobiliyat.

МЕТОДОЛОГИЧЕСКИЕ ОСНОВЫ ПОДГОТОВКИ УЧАЩИХСЯ 4 КЛАССА НАЧАЛЬНОГО ОБРАЗОВАНИЯ К МЕЖДУНАРОДНОМУ

Аннотация: В данной статье утверждается, что реализация творческих способностей учащихся начальной школы через формирование логических, аналитических, критических, творческих навыков независимого мышления является важным аспектом личностно-ориентированного развивающего образования.

Ключевые слова: литературное образование, литературный анализ и интерпретация, дидактическое правило, дедукция, индукция, критическое, творческое, самостоятельное мышление, творческие способности.

METHODOLOGICAL BASIS OF PREPARATION OF PUPILS OF THE 4TH CLASS OF PRIMARY EDUCATION FOR INTERNATIONAL PIRLS

Abstract: This article argues that the implementation of the creative abilities of primary school students through the formation of logical, analytical, critical,

creative skills of independent thinking is an important aspect of personality-oriented developmental education.

Keywords: literary education, literary analysis and interpretation, didactic rule, deduction, induction, critical, creative, independent thinking, creativity.

Hozirgi globallashuv sharoitida ta’lim tizimiga pedagogik innovatsion texnologiyalarning dunyo miqyosida keng joriy qilinishi tufayli o’quvchilarning mantiqiy, tahliliy, tanqidiy, kreativ, mustaqil fikrlash ko’nikmalarini shakllantirish orqali ijodiy qobiliyatlarini ro’yobga chiqarish shaxsga yo’naltirilgan rivojlantiruvchi ta’limning muhim jihati sifatida yosh avlodni jahon standarti talablariga javob berish darajasiga ko’tarishda muhim ahamiyat kasb etadi. Xususan, boshlang’ich sinflarda o’qish savodxonligini monitoring qilish bo’yicha o’qish va matnni tushunish sifatini xalqaro o’rganish (Fhe Progress in International Reading literacy Study) PIRLS talablarini amalga oshirishda o’qish ta’limi zimmasiga katta mas’uliyat yuklanadi.

IEA – ta’lim yutuqlarini baholash xalqaro assotsiatsiya bo’lib, assotsiatsiya tomonidan tashkil etilgan PIRLS dasturi ta’lim tizimiga ega bo’lgan mamlakatlar boshlang’ich sinf o’quvchilarining o’qish fanidan o’zlashtirish darajasini aniqlash va tadqiqotga jalb qilingan mamlakatlar tizimining e’tiborga molik jihatlarini o’rganishga qaratilgandir.

Garchi jahon standarti bo’yicha boshlang’ich maktablarda o’quvchilarning o’qish va matnni tushunish sifatini monitoring qilishga jalb etilgan mamlakatlarning o’quvchilari yoshida sezilarli darajada farq bo’lsa-da (Angliya, Yangi Zelandiya, Frinidad, Fobagoda bolalar besh yoshdan, ko’pgina mamlakatlarda olti-yetti yoshdan o’qiydilar) talab hammaga bir xil qo’yiladi.

PIRLS yoki FIMSS talablari bo’yicha ta’lim sifatini, ya’ni o’qish savodxonligining sifati va tendentsiyalarini davriy ravishda o’rganish, monitoring qilishdan ko’zlangan asosiy maqsad turli vaqtlarda olingan natijalarni har xil ta’limiy vositalardan foydalangan holda turlicha namunalar asosida taqqoslash va tegishli xulosalar chiqarishdir. Shu jihatdan yondashilsa, O’zbekiston ta’limi tizimida ham o’qish savodxonligiga erishish, ya’ni o’quvchilarning tinglab tushunish, tushunib o’qish, so’zlash, yozish kabi nutqiy kompetentligini ta’minlash dolzarb masala hisoblanadi.

Boshlang’ich ta’limning to’rtinchi yili bolalar rivojlanishida muhim bosqich hisoblanadi. Bu davrda o’quvchilar o’qishni shu darajada o’zlashtirishlari kerakki, u ta’limning keyingi bosqichida bilim va ko’nikmalarni muvaffaqiyatli egallashlarini ta’minlashi lozim.

2021-yil boshlang’ich maktabning to’rtinchi sinfini tugatgan o’quvchilar PIRLS dasturi asosida o’qishning ikki xil turi bo’yicha: mashg’ulot davomida va maktabdan tashqari ishlar bo’yicha baholanadilar. Bunda:

adabiy ta’lim tizimida o’zlashtirish tajribasini o’rganish maqsadida o’qish darajasini aniqlash;

ta’lim jarayonida beriladigan ma’lumotlarni o’zlashtirish va ulardan amalda foydalanish bilan bog’liq o’qish darajasini aniqlash ko’zda tutiladi.

Tadqiqotning kontseptual qoidalariga muvofiq, o’quvchilarning badiiy va ilmiy-ommabop matnlarni o’qish qobiliyati quyidagi 4ta mezon bo’yicha baholanadi:

-matnda berilgan ma’lumotni aniqlash; (ilmiy-ommabop matnlar tahlili misolida)

-ma’lumotlarni talqin qilish va umumlashtirish (adabiy tahlil);

-matn mazmunini, til xususiyatlari va tuzilishini tahlil qilish (adabiy tahlil).

Ilmiy-ommabop va badiiy asarlar tahlili o’quvchilarni asar mazmunini tushunish, asardagi voqea-hodisalarni qalbdan his qilish, asarni so’z san’ati sifatida idrok etish, qahramonlarning xatti-harakatlarini baholay bilish, ulardan mustaqil xulosaga kela olish va shunday voqealarga duch kelganda o’zini boshqara olishga tayyorlaydi. Shu tufayli boshlang’ich ta’limda ilmiy-ommabop va badiiy asarlar tahliliga ilmiy jihatdan yondashishni talab etiladi. Buning uchun maktab o’qituvhilarini ilmiy-ommabop va badiiy asarlarning adabiy tahliliga doir nazariy va metodik jihatdan tayyorlovchi kurslar tashkil qilinishi, oliy ta’limning boshlang’ich ta’lim fakulteti talabalari uchun “Ona tili va bolalalar adabiyoti” fanidan tashqari “Bolalar adabiyoti va adabiy tahlil nazariyasi” fani kiritilishi maqsadga muvofiq bo’lar edi. “Boshlang’ich sinflarda ona tili o’qitish metodikasi” fani talabalarni – bo’lajak boshlang’ich ta’lim o’qituvchlarini metodik jihatdan tayyorlaydi, shuning uchun bu masalani bu fanga yuklab bo’lmaydi.

O’qish savodxonligi bo’yicha 4- sinf o’quvchilarini “O’qish kitobi” darsligi asosida xalqaro PIRLS nazoratiga tayyorlash va boshlang’ich sinf o’qituvchilariga yordam tariqasida H.Bakiyeva tomonidan “4- sinf o’qish darslarida adabiy tahlil ko’nikmalarini shakllantirish”[1;2] qo’llanmasi yaratildi. Mazkur qo’llanmada mazkur muammo va uning yechimi bilan bog’liq pedagogik tajribalar inobatga olingan. Bundan tashqari, o’quvchilarni o’qish savodxonligini, ya’ni ilmiy-ommabop va badiiy asarlarning tahliliga o’rgatuvchi o’quv-uslubiy qo’llanmalar tavsiya etildi. Bularni yetarli darjada deb bo’lmaydi.

Xalqaro PIRLS talablari, birinchi navbatda, o’qish va tahlil uchun tavsiya etilgan matnning adabiy-badiiy, ijtimoiy, ma’naviy, ma’rifiy saviyasiga bog’liq.

Darsliklarga o’quvchilarning mustaqil va kreativ fikrlashga undaydigan asarlar tanlab kiritilishi lozim. O’quvchi yaxshi asar kitobxonda turli xil kechinmalarni (qayg’urish, tshvishlanish) yuzaga keltirishini, fikrlashga undashini, o’zining pozitsiyasini tanlash imkonini berishini his qilib borishi zarur. Asar matn yuzasidan beriladigan topshiriqlar o’quvchilarning o’qish savodxonligini ta’minlashi kerak. Bu borada ham darsliklarimizda kamchiliklar mavjud.

O’quvchilarning o’qish savodxonligini yuqori darajaga ko’tarish o’qituvchining matnni tahliliga doir bilimiga va pedagogik mahoratiga ko’p jihatdan bog’liq.

Darslik matnlari qiziqarliligi, hayotiyligi, badiiy yuksakligi va matn so’nggida berilgan savol-topshiriqlar mazmuni yuzasidan ko’zdan kechirilsa, o’quvchilarning hissiyotiga turtki berolmaydigan, tasavvurlarini boyitolmaydigan, aksincha qiziqishlarini so’ndiradigan matnlarni ko’rish mumkin. Masalan, 3- sinf “O’qish kitobi”da Hamidulla Murodovning “Yangi uy”[2;6] hikoyasida 3- sinf o’quvchilari qurilishda qum, g’isht, tuproq tashib berishga da’vat etiladi va ular qurilishga borib ishlaydilar. Bu hikoyani o’qib, asar xalqaro standart talabiga javob beradimi? degan savol tug’iladi.

Go’zal Begimning “Opa-singil daryolar”[2;9] ertagining 3-xatboshisida keltirilgan maqol nimani nazarda tutib ertakda qo’llangani, opa-singil Sirdaryo va Zarafshonning “quloqlariga nima sababdan tilla zirakday qadaldi?”, “Jonivorlar, o’simliklar maktabga qatnashar ekan”(?) “Til qudrati” (rivoyat) matnida “tilning qudrati” nimada? Po’lat Mo’minning “Mustaqillik ahillikdan” she’ri quruq pand-nasihatdan tuzilgan, o’quvchini ishontiradigan, hayratlantiradigan asosni topib bo’lmaydi. Muhabbat Hamidovaning “Vatanni tanish” hikoyasi nomidan juda qiziqarli hayotiy voqeani kutasiz, lekin voqealar tizimida mantiqni ko’rmaysiz, sujet sun’iy. Shuningdek, “Ona-Vatan” asarida ham bola ko’zi bilan ko’rib turgan narsalar sanalgan. Voqealar o’quvchini o’ylashga, fikrlashga undamaydi, badiiy-estetik didini o’stirmaydi, o’quvchi shaxsini rivojlantirmaydi. Kavsar Turdiyeva “Obod mahalla bo’ylab”[2;12] she’rida o’quvchi ko’rib turgan narsani she’riy yo’l bilan ifoda etadi:

Bizning mahalla-ko’y, Har bir xonadon va uy. Mehrlarga to’lmoqda, Shundan obod bo’lmoqda [2;12].

Keyingi bandlar ham bundan qolishmaydi. Mazmun-mantiqning noaniqligi uning tiliga ham ta’siri qilgan.

Darslikka kiritilgan asar matni yuzasidan uning mazmun-mohiyatini chuqur tushunishga, mustaqil izlanishga va ijodiy fikrlashga, hayot bilan bog’lashga, xulosa chiqarishga, nutqini rivojlantirishga yo’naltirilgan savol-topshiriqlar berilib, aksincha asar mazmunini qayta hikoyalash talab etiladigan topshiriqlardan qochish lozim.

Darsliklarda asar badiyati, til xususiyatlari, sujet voqealari o’rtasidagi aloqadorlik, qahramonlarning xarakter-xususiyati bilan bog’liq ma’lumotlarga, umumlashma xulosalarga kam e’tibor berilmoqda. O’quvchilarni o’qish savodxonligi bo’yicha PIRLS xalqaro sinovlariga tayyorlash shunchaki rasmiyatchilik yuzasidan bir martalik tadbir bo’lmasdan, boshlang’ich ta’limning bundan keying istiqbol rejasida muhim o’rin tutishini hisobga olish zarur.

Ma’lumki, badiiy asañami o’qish bilan bog’liq holda shaxsga yo’naltirilgan ta’lim tizimida o’quvchilarning badiiy-estetik tafakkurini shakllantirish, o’zligini anglashga yo’naltirish, Vatanga muhabbat tuyg’ularini kamol toptirishda boshqa o’quv predmetlari kabi bolalaг adabiyoti namunalarini san’at asaгi sifatida o^ganish vazifalaгi yuklatilgan o’qish ta’limi alohida o’rin tutadi.

Hoziïgi kunda boshlang’ich sinf o’qituvchilari o’qish metodikasi bo’yicha aniq dalillangan, ilmiy asoslangan ko^satmala^a muhtoj. Metodika bo’lajak boshlang’ich sinf o’qituvchisini adabiy ta’lim mazmuni va uni o’qitishga mustaqil, ongli yondasha oladigan, o’zgalaming tajribasini na faqat o^ganish, balki ulaг faoliyatining natijalarini ongli гavishda tahlil qilib, to’g’ri xulosa chiqara biladigan bo’lishlaгini ta’minlashga qaгatilishi keгak.

Boshlang’ich sinflaгda o’qish metodikasining asosi sifatida quyidagi didaktik qonuniyatlarni keltirish mumkin:

1. Ta’lim o’quvchilarning anglashlariga haг tomonlama ta’siï etuvchi xaгakteгda bo’lishi.

2. O’quvchilaT oldilaгiga qo’yilgan masalani aniq tushunishlari.

3. O’qituvchi yangi muгakkab ta’limiy muammolami tanish hodisalaг holatida ko^sata olish mahoгatiga ega bo’lishi. Adabiy ta’lim jarayonida deduktsiyani induktsiya bilan bog’lay bilishi [3; 207].

Hozirgi adabiy ta’lim maktab oldiga o’sib kelayotgan yosh avlodni asriaT mobaynida insoniyat tarixi davomida yaratilgan va to’ldirib, boyitib kelingan madaniy boyliklarni egallash, real hayotga tayyorlash, ongli ravishda kasb tanlashlariga erishish, atrofdagi kishilar bilan madaniyatli muomala qilishga o^gatish, intellektual salohiyatli kishilaг qilib taTbiyalash talabini qo’ymoqda. Bunga erishish uchun o’quvchilarning ta’limiy imkoniyatlarini hisobga olgan

holda adabiy ta’limning har bir bosqichida o’qitish metodlari, maqsad va vazifalarini aniq-ravshan belgilab olish lozim.

Badiiy asarning san’at hodisasi sifatidagi xos xususiyatlarini chuqur tushunish, mavjud adabiy bilim va tushunchalarni rejadagi asarlar tahliliga tadbiq etish o’qish darslarining sifat va samaradorligini ta’minlaydi.

1.H.Bakiyeva. 4-sinf o’qish darslarida adabiy tahlil ko’nikmalarini shakllantirish. O’quv-uslubiy qo’llanma. -T.: Nodirabegim. 2021.

2. M.Umarova va b. O’qish kitobi. 3-sinf uchun darslik. -T.: O’qituvchi. 2019.

3. S.Matchonov va b. Boshlang’ich sinfda ona tili o’qitish metodikasi. Darslik. -T.: Ishonch hamkor. 2021.

4. Матчонов, С. (2020). Бадиий асар матни устида ишлаш усуллари. Academic Research in Educational Sciences, 1 (3), 332-337.

5. Matjonov, S. (2020). Jahongashta adib. Academic Research in Educational Sciences, 1 (3), 379-390.

6. Шерматова, У. С. (2020). Чулпон ижодида табиат эстетикаси. Academic Research in Educational Sciences, 1 (3), 338-345.

7. Шерматова, У. С. (2020). Чулпон ижодида истикдол гоялари. Academic Research in Educational Sciences, 1 (3), 369-373.

8. Шерматова, У. С. (2020). Чулпон ижодида ватан, халк ва инсон талкини. Academic Research in Educational Sciences, 1 (3), 301-308.

9. G’ulomova, X. (2020). Boshlang’ich sinfda o’qish darslarini tashkil etish metodikasi. Academic Research in Educational Sciences, 1 (3), 354-359.

10. G’ulomova, X., & Bakiyeva, H. (2020). O’qish darslarida she’riy asarlar matni ustida ishlash. Academic Research in Educational Sciences, 1 (3), 582-589.