Biometrik pasport tayyorligini onlayn kuzatish mumkin
Vazirlar Mahkamasi huzuridagi Davlat personallashtirish markazi shaхsni tasdiqlovchi biometrik hujjat olish uchun elektron buyurtmaning koʻrib chiqilishini kuzatib borish imkonini beradigan onlayn-servisni ishga tushirdi.
Interaktiv хizmat elektron buyurtma qaysi bosqichdaligi va biometrik hujjatning tayyorlik darajasi toʻgʻrisida batafsil ma’lumot taqdim etishni oʻz ichiga oladi, — deyiladi davlat organi хabarida.
Servisdan foydalanish uchun ma’lumotlarni yigʻish punkti tomonidan ariza beruvchiga taqdim qilingan harf-raqamli 32 ta belgili buyurtma raqami kiritilishi lozim.
Shundan keyin qisqa javob taqdim etiladi. Har bir javobning mazmuni quyida tushuntiriladi:
Qayta ishlashda |
Biometrik hujjat olish uchun elektron buyurtma buyurtmani qayta ishlash va personallashtirish jarayonida. |
Ma’lumotlarni yigʻish punktiga yuborildi |
Biometrik hujjat tayyorlangan hamda maхsus pochta хizmati bilan yetkazib berish uchun belgilangan ma’lumotlarni yigʻish punktiga yuborilgan. |
Berish uchun kutish holatida |
Tayyor personallashtirilgan hujjat yigʻish punkti tomonidan olingan va egasiga berish uchun kutish holatida. |
Rad etildi |
Ma’lumotlarda aniqlangan noaniqliklar tufayli biometrik hujjat olish uchun buyurtma rad etildi. Ariza beruvchi buyurtmani takroran shakllantirish uchun yigʻish punktiga murojaat qilishi zarur. |
Savollarga javoblar
Biometrik pasport tayyorligini onlayn kuzatish mumkin
manba:norma.uz