BAHORIY KO’K SOMSA to’liq malumot oling

Assalomu aleykum! Bu safar o’zimning somsa qilish usulim bilan sizlarni tanishtiraman. Bahor kelishi bilan yaqinlar orasida ko’k somsa qilish, ko’katlar bozorda chiqibdi, ko’k somsa qildizmi deb so’rab sog’inib ko’k somsa qilishning ham gashti bor ekan. Chunki Daniyada yashaganimda qishu yoz supermarketlarda yozgi noz nematlar hammasi bo’ladi, ko’k somsani hohlagan paytiz ham qisez bo’ladi.  Lekin baribir quyoshli yurtimizda pishgan ko’katlarning mazasi bir boshqa. Ana endi somsa qilishni boshladik.

Kerakli mahsulotlar: Hamiriga: 1. 500 ml tuzli suv

                                                        2. 6 piyola un

                                                       3. 80% li margarin

                                                       4. 2 osh qoshiq oq yog’

                                    Qiymasiga: Ko’kkkatlar ( yalpiz, mator, jag’-jag’, ot quloq, simaloq)

                                                       5-6 ta piyoz( katta kichikligiga qarab)

                                                       3-4 ta  kartoshka (katta kichikligiga qarab) 

                                                      Mol yog’i yoki qo’y yog’i va go’sht ( hohishga qarab)                                                                      

Birinchi bo’llib hamir qorib qo’ysak, qiymasini tayyorlab qilgunimizcha tinib turadi. Tog’arachaga un solib, tuzli suvimizga eritiligan oq yog’dan 2 osh qoshiq solamiz va unga   solib qattiqroq hamir qormiz. Tuzli suvimizni sho’r qivormasligimiz kerak, hamir yoyilishi qiyin bo’ladi. Tayyor hamirimizni 3 bo’lakka bo’lib, salafanga solib qo’yamiz. 15 minut tindirishga qo’yamiz.

  

Hamirimiz tinguncha qiymamizni tayyorlashni boshladik. Mana ko’katlar

Mana shu  ko’kalardan qildim. Mator, jag’-jag’, ot quloq, yalpiz. Hammasini yaxshilab yuvib, maydalab to’g’radim.

keyin piyozni ham iloji boricha parragini ingichka olib to’g’ralsa pishishi ham oson bo’ladi.

Kartoshkani esa mana bunday tog’radim, mayda to’rt burchak qilib. Yaxshisi kartoshkani qiyma tayyor bo’gandan so’ng oxirisida to’g’ralsa qorayib qomidi, man shunaqa qilaman.

Ana endi asosiy jarayonga somsani hamiriga keldik. Buning uchun tingan hamirning bir zuvalasini mana bunday qilib o’qlovda yoyib oldim.  Birinchi zuvalani unlab qo’limda mushtlab kattalshtirib oldim, o’qlovda yoyish oson bo’lishi uchun, shu turishida ikkiga buklab chetlarini mushtlimiz.

Buvim etgan edilar, hamirni chetini mushtla, o’rtasi o’zi yupqalashib borvuradi deb, boshida shunaqa chetini ikki buklab mushtlab olsak, yoyishimiz uchun osonlashadi.

mushtlab bo’lgandan so’ng o’qlovda yoyishni boshlimiz.

  

Endi yoyib bo’lgan birinchi hamir bo’lagimizni tahlab olib qo’yamiz, tahlavokkanda orasiga kraxmal sepib taxlasak hamirimiz yopishib qolmidi, qolgan 2 ta hamirni yoygunimizcha.

juda yupqa qilib yoymimiza salgina tegi ko’rinishni boshlasa bo’ldi, ana burchakda birinchi yoygan hamirimni tahlab ustini sochiq bilan yopib qo’yganim ham ko’rinib turibdi, hammasini yoyib bo’lgandan so’ng, eritilgan margarinimizni yoyilgan hamir ustiga suramiza. Ha aytgancha hamirni yoyishdan oldin margarinimizni past olovga eritishga qo’yib qo’yamiza.

Eritilgan margarinimizni solib qo’limizda hamma yog’iga yetarli qilib suramiz. Eng katta yoyilganini tagiga qo’yamiza, ustiga margarinnimizni surib, shunday ketma ketlikda qolgan ikkala hamirimizni ustma-ust qo’yamiza.

Uchchala hamirimizni ustma-ust orasiga margarin surib tahlab bo’lgandan so’ng, rulet qilib o’rimiza. O’ravokkanimizda hamirni o’zimiz tomonga tortib, siqib qattiq qilib o’rimiza. Shunda ruletimizni kesganda varoqlari ochilib-ochilib qolmaydi.

O’rab bo’lgandan so’ng yog’lari hamirga singib olishi uchun biroz xolodilnikka qo’yamiza. Ungacha qiymamizni tuzlarini rostlab olamiza. Man qiymasiga go’sht maydalagichda chiqarilgan mol yog’i va ozgina go’sht qo’shdim. Ko’k somsaga asosan mol  yoki qo’y yog’idan ozgina qo’shsa yetadi. Go’sht qo’shmasa ham bo’ladi.

Ana qiymamiz ham tayyor. Endi zuvalachalar kesib olamiz. Ikki enlik qilib kesib chiqdim.

So‘ng zuvalachalarni ustidan bosib chiqdim, va jo’vada hammasini yoyib oldim.

Va hamma zuvalachalarni yoyib bo’lib qiymasini solib chiqdim, agar ikki kishilashib qilinsa biri yoyib ikkinchisi qiyma solib bir yo’la tugib ketvursa ham bo’ladi. (Mani yordamhim hali kichkina 8 oylik, uni jim o’tirgani manga yordam:) ).

Ana endi yana bir asosiy jarayonga keldik, somsalarni tugilishi. Somsa ham chiroyli, ham tanavvul qilishga qulay bo’lgani bu uchburchak somsa. Uchburchak somsa chiroyli chiqishi uchun uning tomonlari teng yonli burchak bo’lsa yanada chiroyli chiqadi. ( Oshxona shunday joyki, unda har bir fandan bir shingil kerak bo’ladi, somsamizni tugilishida esa geomatriya 

 ).

Ana teng yonlik uchburchakli somsamiz pechga kirishga tayyor, listga tersak bo’ldi.

Bir uchini tepaga, birini pastga qilib taxlab chiqamiz. Joy ham ko’proq bo’ladi. Man somsa ustiga hech nima surmadim, varoqlarini yopib qo’yadi, haqiqiy o’zbek somsasida surilmidi, o’zizmizning buvilarimiz qiladigan somsaga o’xshami qoladi. Varoqlari ham chiroyli turadi. Man somsalarni elektr pechda pishiraman, eng baland gradusda. Hammaning pechi har hil, shuning uchun, tagi va usti qizarguncha pechda pishiramiz.

Ana pechkadan olishim bilan rasmga oldim, endi dasturxonga tortamiz.

Mana bahoriy ko’k somsa ham tayyor.

Yalpizning hush bo’yligi, va mator o’tining o’ziga hos mazasi mmmmm……. . Haqiqiy bahor nafasi.  Ayniqsa qishdan chiqgandan so’ng organizm vitaminlar talab qilib turgan bahor paytlari bu somsalar oila a’zolaringizga juda yoqadi. Albatta qilib ko’rishni tavsiya qilaman.

Yoqimli ishtaha!

pazanda.com