Bahor haqida she’rlar to’plami
Xursand uyg‘onardim bahor chog‘lari, Tongdan bo‘lar edi ko‘zim osmonda. Shamol silkitganda terak shoxlarin, Quvonchimning cheki bo‘lmasdi manda. Yangi kelin kabi tomda chuchmoma, Yal-yal yonar edi lolaqizg‘aldoq. Lojuvard dengizdek bepoyon samo, U ne bahor edi! U ne go‘zal chog‘! Varraklar kuylardi shamolda jo‘shib, Men tomda tinglardim chalqancha tushib. O’tib ketdi badqovoq Qishning achchiq ayozi, Tabiat kiymoqda shod Bayramona libosin. Guldirab kular osmon Chaqnab chaqmoq toshlari, Kulgisining zo’ridan Chiqib ketar yoshlari. Ichga sig’may sevinchi Qaynab toshar buloqlar, O’zaniga sig’masdan Toshar soyu irmoqlar. Yurmas achchiq izg’irin Dalalarda izillab. Kelar yoqimtoy shirin Shabadalar g’izillab. Oq varaqday osmonda Turna rasmi chiziiar, Simlarda qaldirg’ochlar Askarlarday tizilar. Viz-viz uchgan o’q kabi Bolarilar vizillar, Miq etmay uxlab yotgan Borliq tinchi buzilar. Bahor kelayotir, Toza, musaffo. Moviy kengliklarda o‘ynaydi shamol. Daralar qo‘ynida zangor bir havo, Tumanli shaharda yotmoqlik malol. Qoyalar ko‘ksida shodmon, beqayg‘u, Oniy umri bilan sollanar chechak. Bahor, bu — eng toza shabbodadir bu, Bahor, bu — eng toza shamoldir, demak. Kengliklar bag‘riga uraman o‘zni, Ko‘zimga ko‘ringay dilbar diyorim. Go‘dak nafasidek yupatar yuzni Qish bo‘yi intizor kutgan bahorim. Bahor-ku o‘tadi shamoldek shitob, Mayli, o‘tajak u va o‘tar bo‘lsin. Azizim, umringda havo bo‘lsin sof, Umring shamollari muattar bo‘lsin. Ko‘k, moviy… Unda-bunda Bulutlar asta yozar Kumush qanotlarini. Iliq, yoqimli kunda Erkin o‘ynaydi qushlar Chizib sirli xatlarni. Ariq yoqalaridan Yashil ko‘zli boychechak Jimgina mo‘ralaydi. Go‘zal bog‘chamda har yon Ko’klamning mayin, ipak Nafasi tarqaladi… Tabiat qoʻli gul sanʼatkor, Tuhfasi, husni ham betakror, Yasharish, uygʻonish senda bor, Oʻlkamga xush kelding, bahorim. Daraxtlar shoda dur taqibdi. Bu ziynat dillarga yoqibdi, Qizgʻaldoq jilmayib boqibdi, Oʻlkamga xush kelding, bahorim. Shoir sheʼridagi gʻuluvsan, Oy yuzli qizlardek suluvsan, Bunchalar betakror boʻlursan, Oʻlkamga xush kelding, bahorim. Har yilgi tashrifing hikmatdir, Shifobaxsh giyohlar himmatdir, Navroʻziy taomlar neʼmatdir, Oʻlkamga xush kelding, bahorim! Qalbimda ochildi goʻyo bir tilsim, Sirlaring mahzani ado boʻlmasdek. Oppoq orzularga toʻldi bu koʻksim Ruhimni osmonga olib uchgandek. Bunchalar fusunkor boʻlmasang, bahor, Men senga oʻxshagim keladi takror! Meni ham sen kabi kutisharmikin, Yoʻllarimga boʻlib zor-zor, intizor. Qani goʻzal boʻlsa sheʼrlarim sendek, Ildizlari teran, sehrli gulzor. Bunchalar fusunkor boʻlmasang, bahor, Men senga oʻxshagim keladi takror! Xushboʻy gullaringga bagʻrimni tutdim, O, mavjlanib ketdi hislar ziloli. Dilbar kunlar aro oʻzni unutdim, Allalading meni goʻdak misoli. Bunchalar fusunkor boʻlmasang, bahor, Men senga oʻxshagim keladi takror! Inson ko‘zlarida jon olar bahor, Barcha tomirida uning to‘lqini. O‘tmishning behuda oni kabi qor, Beiz, bedard erib ketar uchquni. Inson ko‘zlarida jon olar bahor, O‘yinqaroq go‘dak singari bulut. Ko‘k qovog‘i uyuq, yorqin bir viqor Kishilar qalbidan boqar bo‘lib o‘t. Bahorning sehrgar boqiy chiroyi Yosh-u keksa ko‘nglin ovlaydi birdek. Ko‘zguni sindirib tashlar. Kiroyi Har kishining yoshi bu fasl dildak. Har nurga, har qushga, har kurtakka shod Benihoya yaqin bo‘ladi yiroq. Go‘yo sensiz hosil bo‘ladi barbod, Har tikilgan chigit ko‘ksing etar tog‘. Bahor bo‘lmasaydi, odamzod albat, O‘zi kashf etardi, kashf etganday baxt… Sunbul-sunbul bir quloch, Tolbargakdan taqib soch. Gul tersam, guloyim deb, Qo‘shiq aytdi qaldirg‘och. Olam go‘zal, beg‘ubor, Buncha yaxshisan, bahor. Gulzorlar bo‘y taratar, Bulbullarni sayratar. Halinchagim hayyo-hu-uv, Uchsam jonni yayratar. Ko‘ngil naqshisan, bahor, Buncha yaxshisan, bahor. Chehralarga chiroy sen, Sehrga, sirga boy sen. Osmoni tinch elimda, Qanot yozgan Xumoy sen. Hofiz – baxshisan bahor, Buncha yaxshisan, bahor. Bahor keldi kulib noz bilan, Turfa gullar qo‘lda soz bilan, Kutdik uni zo‘r e’zoz bilan, Quvonchimsan, go‘zal bahorim. Varrak bo‘lib aylasin parvoz, Satrlarim tushgan oq qog‘oz, Madhing kuylay qo‘lga olib soz, Ilhomchimsan, o‘zing, bahorim. Daraxtlaring gullasin o‘lkam, Olam ichra o‘zingsan olam, Jannatlarday bebaho, ko‘rkam, Bog‘bonimsan, naqqosh bahorim. Bahor doim bahor-da, Kimligini bildirar. Qotib yotgan toshdan ham Gul-chechaklar undirar. Qir-adirga loladan To‘shar alvon poyandoz. Hatto jarlik, daraga Gul taqib berar pardoz. Haydab kelar cho‘ponday Turfa qushlar “poda”sin. Tizar simga marjonday Qaldirg‘ochlar shodasin. Sayratvorar qish bo‘yi Churq etmagan borliqni. Sharaqlatib kuldirar Shashti past soy, ariqni. …Bahor shunday hunarlar Ko‘rsatar biz yoqlarda. Og‘zining suvi oqib Qarar ulkan tog‘lar ham. Yurtim bahori Xush ifor taralar qir, adirlardan, Dalalar bag‘ridan… barqut yerlardan… Dilni ogoh etib ajib sirlardan, Yana yuz ochmoqda yurtim bahori… Bog‘larda boshlanar go‘zallik bahsi, Rayhonlar shiviri, lolalar raqsi… Ko‘lda oy, yulduzlar, nihollar aksi… Yana yuz ochmoqda yurtim bahori… Majnuntol, jiydadan taqishar sirg‘a, Jildirab oqadi sohilga jilg‘a… Yalpizlar, maysalar qiladi jilva, Yana yuz ochmoqda yurtim bahori… Yana dilni tortar qushlar navosi, Binafsha imosi, jasmin ibosi… Yuzlarga urilar tonglar sabosi, Yana yuz ochmoqda yurtim bahori… O, yam-yashil, ko‘rkam hayot uyg‘onar, Olamni kuylovchi ijod uyg‘onar, Ezgulik uyg‘onar, murod uyg‘onar, Yana yuz ochmoqda yurtim bahori… Shodlanadi O‘zbekistonim Quyoshni toj qilib boshiga. Peshvoz chiqar ona bo‘stonim, Bahor kelsa uning qoshiga. Har bir giyoh, har maysa, kurtak Yangi fasl mehridan qongay. Binafshalar taratib ifor Jilg‘alarda hayot uyg‘ongay. Sho‘x boladek erka shamollar Olib uchar yalpiz bo‘yini. Adirlarda surib xayollar, Qizg‘aldoqlar chalar kuyini. Chaqaloqning ko‘z yoshlariga G‘uborini yuvgaydir osmon. Shu osmonning toza bag‘rida Qushlar raqsga tushadi shodon. Shodlanadi ona bo‘stonim Bahor kelsa uning qoshiga. Peshvoz chiqar O‘zbekistonim Quyoshni toj qilib boshiga. baxtiyor.uz
Bahor haqida she’rlar to’plami
DO`STLARGA ULASHING:
VARRAKLAR – Shukrullo
VARRAKLAR QUVONCHI – Dilshod Rajab
HADEMAY – Dilshod Rajab
BAHOR SHAMOLI – Abdulla Oripov
ERTA BAHOR – Oybek
BAHORIM – Dilafroʻz Zayniyeva
SENGA OʻXSHAGIM KELADI, BAHOR – Nilufar Jabborova
BAHOR – Zulfiya,
BUNCHA YAXSHISAN, BAHOR – Zamira Ro‘ziyeva
BAHOR – RAMAZON Baqoyev,
BIZNING BAHOR – Dilshod Rajab
YANA YUZ OCHMOQDA YURTIM BAHORI – Murod Rahmon,
BAHOR – Bahodir Bahrom
Bahor haqida she’rlar to’plami