AZIMJONOVA haqida malumot bilib oling.

AZIMJONOVA Sabohat (1923-y. dek., Toshkent) — sharqshunos olima, Oʻzbekiston FA akad. (2000), tarix fanlari d-ri (1969). Toshkent pedagogika intini tamomlagan (1942). Oʻzbekiston FA Sharqshunoslik in-tida katta ilmiy xodim (1949), in-t direktori (1950 — 77), boʻlim boshligʻi (1977—95), yetakchi ilmiy xodim (1995-y. dan). Asosiy ilmiy ishlari Boburning Kobul va Hindistondagi faoliyati, Oʻrta Osiyo xalqlarining oʻrta asrlarda qoʻshni xorijiy mamlakatlar b-n oʻzaro siyosiy va iqtisodiy munosabatlariga bagʻishlangan. Asarlari Eron, Afgʻoniston, Hindiston, Fransiyada chop etilgan. Boburning qizi Gulbadanbegimning «Humoyunnoma»sini fors tilidan oʻzbek tiliga tarjima qilib, Toshkentda (1959, 1977) va fransuz tilida Parijda, (1996) nashr ettirgan. Azimjonova bir qator xalqaro ilmiy kongresslarda ilmiy maʼruzalar qilgan. Beruniy nomidagi Oʻzbekiston Davlat mukofoti (1989), Javoharlaʼl Neru xalqaro mukofoti (1993) laureati.

As: K istorii Ferganы vtoroy polovinы XV veka, T., 1957; Boburning Hindiston devoni, T., 1966; Gosudarstvo Babura v Kabule i v Indii, M., 1977.