AYOZKOʻL haqida malumot bilib oling.

AYOZKOʻL — Sulton Uvays togʻlarining sharqiy etagidagi koʻl. Ayoz qalʼa balandligi (170 m) va Koʻkcha balandligi (169 m) oraligʻida. Mutlaq bal. 91 m. Toʻrtkoʻl va Ellikqalʼa tumanlaridan qaytgan zovur suvlari hisobiga 80-y. larning boshlarida vujudga kelgan. Uz. 20—25 km, eni 4 km, oʻrtacha chuq. 1,5—2 m. Qirgʻoqlari va koʻlning bir qismi qamishzorlar bilan band. Suvi tiniq, minerallashuv darajasi 1 l suvda oʻrtacha 10—12 g va undan ortiq. Baliqchilikda foydalaniladi.