AVENTIN BLOKI haqida malumot bilib oling.

AVENTIN BLOKI — Italiyada fashistlar diktaturasiga qarshi kurashgan antifashistik partiyalar bloki. Sotsialist deputat, antifashist Mateotti fashistlar tomonidan oʻldirilgach (1924 i. 10 iyun), muxolifiyatdagi deputatlar bundan gʻazablanib, parlamentdan chiqib ketadilar va Rimdagi Aventin tepaligida toʻplanib «Oppozitsiyami fraksiyalar komiteta» ni tuzadilar. Shu tariqa mazkur uyushma «Aventin bloki» nomini oldi. Blokka xalq partiyasi (katoliklar), respublikachilar, sotsialistlar va b. partiyalar vakillari hamda partiyasiz deputatlar uyushdilar. Mussolini hukumati Aventin blokining qatʼiyatsizligi va zaifligidan foydalanib, 1926-y. da uni tor-mor qildi. Ommadan ajrab qolgan blok aʼzolari fashizmga qarshi izchil kurasha olmay, tezda tarqab ketdi.