AVAR XONLIGI haqida malumot bilib oling.

AVAR XONLIGI — Dogʻistondagi davlat (12—19-a. lar). Poytaxti — Xunzax. Ilk oʻrta asrlardagi Sarir «podsholigi» oʻrnida vujudga kelgan. Ummaxon (1634-y. v. e.) davrida Avar xonligi yirik siyosiy birlashma boʻlgan. 18-a. da kuchli davlatga aylanib, unga Gruziya podshosi, Darband, Qubo xonlari xiroj toʻlab turishgan. 1803-y. uni Rossiya bosib olgan 19-a. ning 20—50-y. larida Avar xonligi hududi imomlik tarkibida boʻlgan. 1864-y. chorizm tomonidan Avar xonligi tugatilib, uning hududida Avar okrugi tashkil etilgan.