ARTIKL haqida malumot bilib oling.

ARTIKL (lot. articulus) — baʼzi tillarda otning oldida kelib, aniqlik maʼnolarini bildiradigan old qoʻshimcha. Bir xil tillarda (ingliz) Artikl kelishik, jins va sonda oʻzgarmaydi, ayrim tillarda (nemis) oʻzgaradi. Oʻrta Osiyo mumtoz adabiyotida arabcha (al) artikli (arab tilidan kirgan soʻzlarda) otlar oldidan kelib, aniqlik maʼnosini beradi. Agar al qamariya harflaridan (q. Arab yozuvi) oldin kelsa, toʻla oʻqiladi: alkitob — muayyan bir kitob, Qurʼon; al-Xorazmiy, al-Beruniy. Shamsiya harflaridan oldin kelsa, talaffuzda tushib, undan keyingi harf takrorlanadi: ash-shamsu; an-nabiy — kabi.