ARMANLAR haqida malumot bilib oling.

ARMANLAR (oʻzlarini xay deb atashadi) — xalq, Armanistonning asosiy aholisi (3,08 mln. kishi, 1992-y.). Shuningdek RF (532 ming kishi), Gruziya (437 ming kishi), AQSH (700 ming kishi), Fransiya (270 ming kishi), Eron (200 ming kishi), Suriya (170 ming kishi), Togʻli Qorabogʻ (146 ming kishi), Liviya va Turkiya (150 ming kishidan) va b. mamlakatlarda ham yashaydilar. Umumiy soni — 6,55 mln. kishi. Arman tilida soʻzlashadi. Dindorlari — asosan xristian-monofisiylar.