ANODLASH haqida malumot bilib oling.

ANODLASH, elektr-kimyoviy oksidlash — elektroliz vositasida metall buyumlar sirtida shu metall oksidlaridan iborat parda hosil qilish. Anodlashda elektrolitga botirilgan buyum tok manbaining musbat zaryadlangan elektrodiga (anodiga) ulanadi. Mas, mis ishqor eritmasida oksidlovchi ishtirokida anodlanganda Na2Cu03 tarkibli beqaror birikma eritmasi hosil boʻladi. Bu birikma parchalanganda mis (II)-oksid ajralib chiqib, buyum sirtida kristallanadi. Metall buyumlar sirti elektrolit toʻldirilgan vannalarda anodlanadi. Elektrolit sifatida ishqor, kislota yoki tuz ishlatilishi mumkin. Oksid parda metall buyum sirtini korroziyadan saqlaydi va unga husn beradi.