alisher uzoqov haqida alisher uzoqov biografiyasi

Alisher Uzoqov 1984-yil 25-avgustda Toshkentda tug’ilgan.Uzoqov taniqli mumtoz qo’shiqchi Ma’murjon Uzoqovning nevarasidir. Otasi Muhammadjon Uzoqov aktyor va qo’shiqchidir. Onasi Shohida Uzoqova ham aktrisa bo’lib, o’g’li bilan bir necha filmda, jumladan, «So’nggi lahza» (2009), «Tundan tonggacha» (2009), «Mening akam bo’ydoq!» (2011), «Uchrashuv» (2011), «So’nggi qo’ng’iroq» (2012) hamda «Tundan tonggacha davom etadi…» (2012) filmlarida birga rol ijro etgan. Alisher Uzoqov oilali bo’lib, bir o’g’li va bir qizi bor.

Alisher Uzoqov o’zini rejissor sifatida ham sinab ko’rdi. U hozirgacha uch filmga, ya’ni «Mening akam bo’ydoq!» (2011), «Endi dadam bo’ydoq?» (2012) hamda «Kuzda gullagan daraxt» (2015) filmlariga rejissorlik qildi. 2013-yil aktyor filmlarda boshqa rol ijro etmasligini e’lon qildi,[2] lekin undan keyingi yillarda bir necha filmda rol o’ynadi. 2020-yildan etiboran Alisher Uzoqov aktyorlikni tark etib, O’zini boshqa sohada sinab ko’rish uchun Dubay shahrida ish boshladi.
Bundan tashqari Alisher Uzoqov 2012-yilda Futbol bo’yicha O’zbekiston birinchi ligasida bellashuvchi Istiqlol futbol klubida o’ynadi. 2016-yil u Andijon viloyati futbol federatsiyasining birinchi vitse-prezidenti etib tayinlandi. Shundan so’ng bir muddat Navbahor futbol klubida ham qisqa vaqt faoliyat yuritdi. UzreportTV hamda FutbolTV telekanallarida futbol sharxlovchisi sifatida ham bir necha yil faoliyat yuritdi.
Ijodkor bobosi kabi qo’shiqlar ham xirgoyi qilgan. Jumladan «Nahotki», «Oshno», «Oshiq yurak» taronalari uni qo’shiqchi sifatida ham ommalashishiga sabab bo’ldi.