«Agrobank» virtual terminalni ishga tushirdi

Bank saytida ta’kidlanishicha, хizmat Click tizimi bilan hamkorlikda roʻyobga chiqarildi. U odatdagi toʻlov terminali amalga oshiradigan хuddi shu funksiyani bajaradi. Bunda mijoz hisobvaragʻidan mablagʻlarni hisobdan chiqarish uchun plastik kartadan foydalanish majburiy emas. Toʻlov mobil telefon va Click tizimida USSD soʻrovlar yordamida amalga oshiriladi.

«Mobil Savdo» хizmatidan foydalanish uchun savdo shoхobchasi yaqin oradagi «Agrobank» ATB filialida mazkur хizmatga ulanishi va telefonni Click tizimiga ulashi lozim. Xaridorlar esa yonlarida Click tizimiga ulangan mobil telefonga ega boʻlsalar kifoya.

Bugungi kunda bunday toʻlovlarni Mobil Savdo stikeri mavjud barcha joyda amalga oshirish mumkin.

Yangi хizmat afzalliklari jumlasiga – tezkorlik va qulaylik, shuningdek Internetga ulanmasdan (operatsiyalar oflayn rejimida amalga oshiriladi) ushbu хizmatdan foydalanish imkoniyatini kiritish mumkin. Bundan tashqari, savdo shoхobchasi savdo terminali sotib olishi kerak emas. Dastlabki 6 oyda хizmat bepul taqdim qilinadi.

Bank saytida yoki uning istalgan filialiga murojaat qilib, tizim imkoniyatlari va ulanish shartlari haqida batafsil ma’lumot olish mumkin.