Abituriyentlar va o quvchilar uchun fizika fanidan unikal o quv qo llanma

1. Rayim Farxodiyning she’rida tilga olingan marvarid-marjonlar suv tomchilaridir.
2. Ular havo tarkibidagi suv bug‘larining kondensatsiyalanishi tufayli hosil bo‘ladi.
3. Ra’noning gul bargida ko‘rgan marvaridlari suv tomchilaridir. Quyosh chiqishi bilan bu tomchilar bug‘lanib ketdilar.

1. Metallni bolg‘a bilan tez-tez urib isitish mumkin. Bu mexanikaviy ish nimaga sarf bo‘ladi?
2. Quvvat birliklarini ayting?
3. Choynak qancha ko‘p isitilsa undagi suv shuncha sekin qaynaydi. Nimaga shunday?
4. Elektromagnit induksiya hodisasini kim qachon kashf qilgan?
5. Daraxt bargiga tuproqdan ildiz orqali ko‘p miqdordagi suv uzluksiz kelib turadi. Bu suv qaerga ketadi?
6. Bug‘ turbinalarida suv bug‘ining qanday tur energiyasidan foydalaniladi?
7. Siz issiqlik dvigatellarining qanday turlarini bilasiz?

4. “Tebranishlar va to‘lqinlar” mavzusida o‘tiladigan kecha

Har bir guruhga:

a) fizik kechaning mavzusiga oid guruh nomini o‘ylab topish;

b) raqib komanda va jyuri a’zolari bilan tanishuv;

v) dasturni tayyorlash topshiriladi.

Tayyorlanish uchun 2 hafta vaqt beriladi.

Hay’at (jyuri) tarkibi tajribali o‘qituvchilarni jalb etish mumkin.

Har bir xay’at a’zosi kechaning dastur topshiriqlari va baholash mezonlari bilan tanishtirilishi lozim.

Kechani o‘tkazish bosqichlari va topshiriqlari quyidagilardan iborat:

Bosqichlar va topshiriqlar

Salomlashish (uyga vazifa). O‘quvchilar guruh nomini kechaning mavzusidan kelib chiqqan holda (masalan, “Mayatnik”) deb tanlashlari, salomlashishda ham “Tebranish” mavzusiga asoslanishlari mumkin. Bu ijodiy topshiriq bo‘lib, har bir guruh o‘z qiziqishi bilimi va quvnoqliklarini namoyon etishadi.

Kechaning mazmunida quyidagilar bo‘lishi mumkin, ya’ni bunda 1-guruh klassik tanishtirish, 2-guruh “Qishli qirovli kunlarning birida . ” deya nomlangan she’rni kechaning mavzusiga moslab fizikchasiga o‘zgartirishi, 3-guruh va 4-guruh sahna ko‘rinishini tayyorlashi, shuningdek, guruhlardan biri formulasini bosh mavzu qilib olib, yana biri esa metronom tovushlari (urishlari) ostida “. vals” o‘ynashi mumkin.

O‘quvchi tomonidan quyidagi she’r o‘qilishi ham mumkin:

Sizlar – g‘am va anduhlar.

Mexanik, elektrik – har xil tebranishlar.

Mana endi ikkinchisi ham

Qanchalik u charchaydi,

Qanchalik u jonga tegdi.
2-bosqich:

Hayot formulasi. Bunda guruhlarga oq qog‘oz tarqatiladi va unga o‘quvchilar tebranishlarga doir formulalarni yozib borishlari kerak. Qanchalik ko‘p formula yozishsa, guruh shuncha ko‘p ball to‘playdi.

3-bosqich:

Krossvord. Guruhlarga “Tebranish” mavzusiga oid krossvordlar tarqatiladi va hay’at a’zolari o‘quvchilar ishni boshlashlaridan oldin vaqtni belgilab oladilar. Qaysi guruh birinchi bo‘lib topshiriqni bajarsa, o‘sha guruh g‘olib hisoblanadi. Krossvordni o‘qituvchilar kollektivi yoki hay’at a’zolari tomonidan tuzish mumkin.

4-bosqich:

“Kim ko‘p?”. Guruhlarga “yelektromagnetizm” so‘zi yozilgan varaq tarqatiladi. Bunda “Tebranish” mavzusining har bir harfiga iloji boricha ko‘p so‘z tuzish kerak. Kim ko‘p yozsa, o‘sha g‘olib hisoblanadi.

5-bosqich:

Sardorlar bellashuvi. Har bir sardor rasmda tasvirlangan asbobni oladi. Topshiriq: olgan asbob yordamida turli xil tebranish jarayonlarini ko‘rsatish va tushuntirish kerak. Kim ko‘p hodisani ko‘rsatsa va tushuntirsa, o‘sha g‘olib bo‘ladi.

6-bosqich:

“Bir mayatnik diskatekadan qaytayotib ketvorgan tezlikni uchratib qoldi. U poyezd oldida ko‘zlari to‘rt bo‘lib Rezonansni kutardi. Biroq, Rezonans. ” kelmadi.

Tezlik katta chastotada bezovtalana boshladi, biroq shu payt uning cho‘ntagidagi uyali telefoni jiringlab qoldi. Bu qo‘ng‘iroqni fazalar siljishi qildi. U Rezonans bilan Grafik to‘qnashib qolib, avtomobil halokatida halok bo‘lganini yetkazdi. Tezlik xonim Rezonanssiz yashay olmasligini bilardi. Nima qilish kerak? Uning hayotida eng qiyin . davr boshlandi.

7-bosqich:

Pantomimo. Guruh sardori qura topshiriq oladi. Undagi topshiriqda guruh sahna ko‘rinishi o‘ynab ko‘rsatishi (masalan, rezonans, harakatlanayotgan mayatnik, tebranish konturini tasvirlashi) kerak, boshqa guruhlar nima tasvirlanganini o‘ylab topishlari kerak.

8-bosqich:

Aytishuv. Bu konkurs dasturning qo‘shimcha qismi hisoblanadi. Uning maqsadi shundan iboratki, taqdim etilgan har bir ibora yoki ma’nosi bo‘yicha teskarisini iloji boricha tez aytish kerak. Bunday ibora (yoki so‘zlarni) guruhlar oldindan tayyorlaydilar, ularning javoblarini esa raqib-guruhlar yozadilar. Masalan, “tebranuvchi harakat” iborasi beriladi, uning teskarisi “takrorlanmaydigan tinchlik” iborasi bo‘ladi.

Bosqichlar va topshiriqlar

1.Salomlashish, tanishtiruv erkin holda amalga oshiriladi.

2. “Turli muhitlarda diffuziya hodisasi”ga oid munozara

“Turli muhitlarda diffuziya hodisasi” mavzusi bo‘yicha o‘quvchilar ma’lumotlar tayyorlab keladi.

Masalan: Tayyorlanib kelgan o‘quvchi shu mavzuni gapirib tushuntirib beradi. Qo‘lidan kelgancha tajriba ham qilib ko‘rsatadi. U o‘rtoqlariga gaz, suyuqlik va qattiq jismlarda diffuziya xodisasiga doir misollar, animatsiyalar, xodisalarni izohlash va amalda foydalanish haqida tushuncha beradi. Boshqa o‘quvchi shu mavzuga doir tajriba ko‘rsatadi.

Tajriba, oddiy sovuq suvga margansovka solib diffuziya hodisasini ko‘rsatadi. So‘ngra issiq suvga margansovka solib diffuziya hodisasini yuqori haroratda tez sodir bo‘lishiga o‘rtoqlarining e’tiborini qaratadi. Bunda jismning harorati yuqori bo‘lsa, molekulalarning tezligi katta bo‘ladi va aksincha, degan xulosa chiqadi.

Rivoyat. Bir podsho ulamolariga ko‘p narsa qo‘limdan keladi, deb maqtanadi. Shunda vaziri shoxim unday demang, ba’zi narsalar borki, uni siz qila olmaysiz, deb nasixat qiladi. Baribir podsho o‘z so‘zida turib oladi. O‘sha kuni podshoning besh yosh o‘g‘il nabirasi bobosini oldiga kelib suv so‘raydi. Bobosi suv oldirib kelib nabirasiga beradi. Nabirasi suv ichmayman, sut keltiring deydi. Bobosi sut keltirishni buyuradi. Bola sutni ichib ko‘rib ichmayman, deb xarxasha qiladi. Shunda podsho nima qilsam tinchiysan deydi. Bola suvni sutga qo‘shing, deydi. Podsho noiloj suvga sutni qo‘shadi. Bola bu suyuqlikni ichib ko‘rib to‘polon qila boshlaydi. Bobo buni ham ichmayman, bu suyuqlik bemaza ekan deydi. Bolam nima qilsam sen tinchiysan, deydi podsho. Bola bobo suvdan sutni ajratib bering, deb iltijo qiladi. Afsuski, suvga aralashib ketgan sutni endi ajratib bo‘lmaydi.

3.Sardorlar bellashuvi

1.Moddaning agregat holatini tushuntiring.

2. Moddaning suyuq holati qanday xarakterlanadi.

3. Moddaning gaz holati qanday xarakterlanadi.

4. Moddaning qattiq holati qanday xarakterlanadi.

6. Qattiq jism molekulalarini joylashish holatini tushuntiring.

7.Konveksiya hodisasini tushuntiring.

9.Fizika nimani o‘rganadi?

10.Fizikani bo‘limlarini ayting

4.Sahna ko‘rinishi erkin tayyorlanadi.

РТМ “Табиий ва аниқ фанлар” бўлими бош методисти
Fizika 6-sinf, II-chorak 21-dars
ATMOSFERA BOSIMI. TORRICHELLI TAJRIBASI

Mavzuning texnologik xaritasi

Vosita: 6-sinf fizika darsligi, kompyuter, slaydlar, tarqatma materiallar, video tasvir, manometr, barometr.

Nazorat: Og‘zaki nazorat, baholash.

Atmosfera bosimi. Torrichelli tajribasi mavzusini tushuntirish va atmosfera bosimi hisoblash formulalari bilan masalalar yechish orqali yuqori samaradorlikka erishadi. Interfaol metodlardan foydalanish orqali o‘quvchilarning mustaqil fikrlashi, faolligi, darsga, fanga nisbatan qiziqishni orttiradi.

O‘quvchilar mustaqil o‘z fikrini og‘zaki va yozma tarzda aniq tushunarli bayon qila oladi. Mavzudan kelib chiqib savollarni mantiqan to‘g‘ri qo‘ya oladi, o‘z ustida ishlashni o‘rganadilar, eslab qolish, ayta olish, ko‘rsata olish ko‘nikma va malakalarga va kommunikativ, axborot bilan ishlash, shaxs sifatida o‘zini o‘zi rivojlantirish, matematik savodxonlik kompetensiyalari shakllantiriladi.

O‘quvchilarni fizika faniga qiziqtirish yo‘llari va pedagogik texnologiyalarni darsda tadbiq etish uchun o‘z ustida ishlash, mavzuni kundalik turmush va fan-texnikada qo‘llanilishi bilan tajribasini boyitish.

O‘quvchilar atmosfera bosimi mavjudligi, Torrichelli tajribasi, atmosfera bosimi o‘lchash usuli, atmosfera bosimining ahamiyatini haqida bilim , ko‘nikma, malaka va fizik jarayon va hodisalarni kuzatish, tushunish va tushuntirish, fizik bilimlar va asboblardan amaliyotda foydalanish, matematik savodxonlik kompetensiyalariga ega bo‘ladilar.

Mashg‘ulotning borishi

Asosiy atamalar va tushunchalar:

– normal atmosfera bosimi;

– millimetr simob ustuni;

Darsning blok-chizmasi

№	Dars bosqichlari	Vaqti
1	Tashkiliy qism	2 minut
2	Uy vazifalarini tekshirish va o‘tilganlarni takrorlash	10 minut
3	Fil’m ko‘rsatish	6 minut
4	Yangi mavzu ustida ishash	18 minut
5	Darsni mustahkamlash	7 minut
6	Uyga topshiriqlar	2 minut

Darsning borishi

I. Darsning tashkil etilishi: (2 minut)

a) salomlashish, davomatni aniqlash;

b) o‘quvchilarni darsga hozirligini ko‘rib chiqish.
II. Uy vazifalarini tekshirish va o‘tilganlarni takrorlash

O‘qituvchi tomonidan “Fizik diktant” o‘tkaziladi.

1.Tezlik formulasi:

2. Bosib o‘tilgan yo‘l formulasi:

3. Harakat vaqtini hisoblash formulasi:

4. Bosim formulasi:

5. Zichlik formulasi :

Savollardan namunalar

1.Suyuqlikning idish tubiga bergan bosimi nimalarga bog‘liq?

2.Dengiz tubida nima sababdan odam skafandrsiz (havo berib turilsa ham) tura olmaydi?

3.Gidrostatik bosim nima?

III. Yangi mavzu bayoni:

Atmosfera bosimi. Torrichelli tajribasi

1. Atmosfera bosimi mavjudligini qanday tajribalar tasdiqlaydi?

2. Normal atmosfera bosimi nimaga teng?

3. Nima sababdan atmosfera bosimi o‘zgarib turadi?

4. Torrichelli tajribasida nimani o‘lchaydi?

1. O‘quvchilarga muammoli savollar beriladi (havo massaga egami, uning ahamiyati nimada deb o‘ylaysiz).
2. O‘quvchilarning fikrlari va g‘oyalari tinglanadi.
3. O‘quvchilar tomonidan berilgan fikr va g‘oyalari umumlashtiriladi.

Siz suyuqlikning idish tubiga bosim berishini bilib oldingiz. Gazlar ham xuddi shunday bosim beradimi? Ular bosim berishi uchun massaga, ya’ni og‘irlikka ega bo‘lishi kerak. Buni tekshirish uchun quyidagicha tajriba o‘tkazamiz.

Yaxshi damlangan koptokni olib, tarozining bir pallasiga qo‘yib, ikkinchi pallasiga toshlari bilan muvozanatga keltiramiz. So’ngra koptokni olib, ichidagi havoni to‘liq chiqarib yuboramiz. Taroziga koptokni qo‘yamiz. Bunda tarozining muvozanati buzilganligi kuzatiladi. Tarozini muvozanatga keltirish uchun bir qism toshlarni olamiz (1-rasm).

Demak, havo ham ma’lum og‘irlikka ega ekan. Sizga ma’lumki, Yerni havo qatlami o‘rab turadi. U atmosfera deb ataladi. Demak, havo o‘z og‘irligi bilan Yer yuzasiga bosim berishi kerak. Bu bosim atmosfera bosimi deb ataladi. Atmosfera bosimini aniqlash uchun p = ρ · g · h formulasidan foydalanib bo‘lmaydi. Chunki atmosfera tarkibi turli gazlar aralashmasidan iborat bo‘lib, aniq balandlikka ega emas. Havo tarkibida 78% azot, 21% kislorod va boshqa gazlar bor. Yer sirtiga yaqin joyda 0°C temperaturada o‘lchangan havo zichligi 1,29 kg/m 3 ga tengligi aniqlangan.

Havo qatlamlarining zichligi balandlik ortishi bilan tez kamayib boradi. Masalan, Yer yuzidan 5,4 km balandlikda havoning zichligi uning Yer yuzidagi zichligidan 2 marta kichik, 11 km balandlikda 4 marta kichik bo‘ladi. Yuqorilashgan sari havo siyraklasha borib asta-sekin havosiz fazoga o‘tadi. Atmosferaning aniq chegarasi yo‘q. Havoni tashkil etgan zarrachalar og‘irlikka ega bo‘lsa, nima sababdan ularning hammasi Yer sirtiga tushib qolmaydi? Sababi shundaki, ular to’xtovsiz harakatda bo‘ladi. Unda nima sababdan raketa kabi ochiq kosmosga uchib ketmaydi? Gap shundaki havo zarrachalarining tezligi Yer tortish kuchini yengishga yetmaydi. Buning uchun ularning tezligi 11,2 km/s dan kam bo‘lmasligi kerak.

Atmosfera bosimining mavjudligini quyidagi tajribalarni o‘tkazib ishonch hosil qilish mumkin.

Ishlatilgan meditsina shprisini olib porshenini eng quyi holatga keltirib, igna uchini suvga tushiramiz. Porshen yuqoriga ko‘tarilsa, suv ham porshen ortidan ko‘tariladi (2-rasm). Suv nima sababdan ko’tariladi? Ko’zga dori tomizishda ishlatiladigan tomizgich (pipetka) uchini suvga tushirib, orqa rezinasini bir siqib olinsa, pipetka ichiga suv kiradi. Pipetka suvdan olinganda, undagi suv to‘kilmasdan turadi. Nega suvning og‘irligi bo‘lsa ham suv to‘kilmaydi?

Bularning sababi, atmosfera bosimining ta’siridir. Shpritsda porshen ko‘tarilganda, suv ko‘tarilmasa porshen va suv orasida bo‘shliq paydo bo‘lar edi. Bo‘shliq suvga hech qanday ta’sir ko’rsatmaydi. Pastdagi idishdagi suvga atmosfera bosimi ta’sir ko’rsatib, suvni porshen orqasidan ko‘tarilishga majbur qiladi. Pipetkadagi suv ham atmosfera bosimi tufayli to‘kilmaydi.

Atmosfera bosimini birinchi marta italiyalik olim E. Torrichelli (1608–1647) o‘lchagan. Buning uchun uzunligi 1 m bo‘lgan bir uchi berk shisha nay olinib, uni simob bilan to‘lg‘aziladi. So‘ngra ochiq uchini qo‘l bilan berkitib, to‘nkarilgan holda simobli idishga tushiriladi. Barmoq olinganda shisha naydagi simobning bir qismi to‘kiladi. Nayning yuqori qismida havosiz bo’shliq qolib, to‘kilmagan qismining balandligi taxminan 760 mm bo‘ladi (pastki idishdagi simob sathidan o‘lchanganda). Bunda ham naydagi simobning to‘kilmasligiga sabab, simob ustunining idishdagi simobga bergan bosimining, atmosfera bosimi bilan muvozanatlashishidir. Demak, atmosfera bosimini naychadagi simob ustuni bergan bosim bilan o’lchash mumkin ekan. Hozirgi kunda 0°C da turgan balandligi 760 mm bo‘lgan simob ustunining bosimini normal atmosfera bosimi sifatida qabul qilingan. Radio yoki televideniyeda ob-havo ma’lumotlari berilganda, atmosfera bosimini mm. sim. ust. larida ifodalab aytiladi. p = ρgh formuladan foydalanib normal atmosfera bosimini Paskallarda ifodalash mumkin. p₀ = 13595,1 kg/m 3 ·9,81 m/s 2 · 0,76m ≈ 101360 Pa. 1 atm=760 mm.sim.ust = 101360 Pa.

Torrichelli o‘z tajribasida naychadagi simob ustunining ob-havo o‘zgarishi bilan o‘zgarishiga e’tibor bergan. Bundan tashqari atmosfera bosimi balandlik ortishi bilan ham kamayib boradi. Uncha katta bo‘lmagan balandliklarda har 12 m ko‘tarilganda, bosim 1 mm. sim. ust. ga kamayishi aniqlangan.

Atmosfera bosimini o‘chaydigan asbobga barometr deyiladi. Torrichelli tajribasini simob o’rniga boshqa suyuqlik bilan o‘tkazilsa nima bo’ladi? Boshqa suyuqliklarning zichligi simobnikidan ancha kichik bo‘lganligidan, suyuqlik ustunining balandligi katta bo‘ladi. Shunday suvli barometrda suyuqlik ustunining balandligi 10 m dan ko‘p bo‘ladi.

Atmosfera bosimiga nisbatan kattaroq yoki kichikroq bosimlarni o’lcnashda manometrdan foydalaniladi. Manometrlar suyuqlikli va metalli bo’ladi.

Suyuqlikda ishlaydigan oddiy manometr U ko’rinishdagi naydan iborat bo‘lib, uning yarmigacha suyuqlik quyiladi (3-rasm). Nayning bir uchi ochiq, ikkinchisi esa bosimi o‘lchanadigan idishga rezina shlang orqali ulanadi. Shlang uchiga silindr shaklida idish kiydirilib, yupqa rezina plyonka qoplanishi ham mumkin. Plyonkaga bosilsa, naylardagi suyuqlik ustunlari farqi hosil bo’ladi.

Metall manometrning asosiy elementi (1) yoy shaklidagi truba bo‘lib, bir uchi berk (4-rasm). Ikkinchi uchi (4) kran orqali bosimi o‘lchanadigan idishga ulanadi. Kran ochilganda truba ichidagi bosim ortib egiladi. Egilish tishli g‘ildiraklar (3) orqali strelkaga (2) beriladi.

IV. Mustahkamlash:

1.Nima uchun porshinning yuqoriga harakatlanishi natijasida suv ham

1. Nima uchun nay ichidagi suyuqlik butunlay oqib tushmaydi?
2. Stakan ichiga suv solib, qog‘oz bilan berkitib, stakan to‘nkarilsa suv to‘kilmaydi. Sababi nimada?

V. O‘quvchilarni rag‘batlantirish.

O‘qituvchi tomonidan o‘quvchilarning javoblari tinglangach rag‘batlantiriladi.

VI.Uyga vazifa: Mavzuni o‘qish bosim to’g’risida “sinkveyn” yozib kelish.

Fizika 6-sinf

IV- chorak 54 – dars

Abituriyentlar va o’quvchilar uchun fizika fanidan unikal o’quv qo’llanma

Mundarija скрыть
Abituriyentlar va o’quvchilar uchun fizika fanidan unikal o’quv qo’llanma
Muallif haqida
Akademik litseylar uchun fizika darslik
Kitobni qanday sotib olish mumkin?
Siz muallifmisiz?
Savol-javoblar
Fizika 1-qism

Fizika fanidan o‘rta ta’lim maktablarining 9–10–11–sinf o‘quvchilari, akademik litsey va kasb–hunar kollejlari o‘quvchilari hamda oliy ta’lim muassasalariga kiruvchilar uchun mo‘ljallangan yangi o‘quv qo‘llanmasi Qarshi DU qoshidagi Shaxrisabz akademik litseyi direktori fizika-matematika fanlari nomzodi, dotsent Abduqaxxor Gadoyevich G‘aniyev tomonidan yaratildi. O‘quv qo‘llanmasi 3 ta qismdan tashkil topgan:

I-qism. Mexanika va molekulyar fizika.
II-qism. Elektromagnetizm.
III-qism. Optika. Atom va yadro fizikasi.

Qo‘llanmada umumta’lim maktablarining 6-7-8-9 sinflari darsliklaridan o‘rin olgan, аkademik litsey va kasb-hunar kollejlari, tashkil qilinayotgan 10,11-sinflar uchun “Fizika” fani o‘quv dasturlarida belgilangan va ushbu dasturlarga mos zamonaviy fizika yutuqlari haqidagi eng so‘nggi ma’lumotlar bayon qilingan. Har bir mavzudan keyin:

– sinov savollari;
– o‘zbekcha-ruscha-inglizcha asosiy atamalar lug‘ati
– masalalar va ulalrning yechimlari;
– test savollari berilgan.

Lug‘atni to‘la o‘zlashtirgan o‘quvchi qo‘llanmadagi ma’lumotlarni rus va ingliz tillarida o‘qib o‘rganishi va fikrini bayon qila olishi mumkin.

Qo‘llanmada V. I. Lukashik, Ye. V. Ivanovalarning, “Сборник задач по физике” (“Fizikadan masalalar to’plami”), A. P. Rimkevichning “Физика-задачник 10-11″ (“Fizikadan masalalar to’plami 10-11″) kitoblaridagi masala va mashqlarning o‘zbek tilidagi yechimlari, shuningdek, inglizcha, ruscha va o‘zbekcha adabiyotlarda, jurnallarda keltirilgan besh yuzga yaqin qiziqarli savollar javoblari bilan, oxirgi besh yilda DTM sinov testlarida foydalanilgan testlar javoblari bilan, III qism oxirida 2017-yilda test sinovlarida foydalanilgan testlar tahliliy yechimlari bilan va so‘nggi sinovlar uchun o‘ttiz oltitalik testlar keltirilgan.

Kirish imtihonlariga mustaqil tayyorlanadigan abituriyentlarda ushbu qo‘llanmadan boshqa hech qanday adabiyotga ehtiyoj bo‘lmaydi!

Qo‘llanmani sotib olish bo‘yicha +998 90 615-90-09 va +998 97 772-92-26 telefon raqamlariga murojaat qilishingiz mumkin.

Qo‘llanma bo‘yicha barcha mulohazalarni fizika.1011@mail.ru elektron pochtaga yuborishingizni so‘raymiz. O‘quv qo‘llanmaning namunaviy mavzularini quyidagi havola orqali yuklab olishingiz mumkin:

1. Dinamika. Jismlarning o‘zaro tasiri. Yuklab olish

2. Elektrodinamika asoslari. Elektr zaryadining saqlanish qonuni. Yuklab olish

3. Optika. Yorug‘lik haqidagi ta’limotning rivojlanishi. Yuklab olish

Muallif haqida

Muallif fizika-matematika fanlari nomzodi, dotsent Abduqaxxor Gadoyevich G‘aniyev. Qarshi DU qoshidagi Shaxrisabz akademik litseyi direktori.

Akademik litseylar uchun fizika darslik

Saytimizdagi elektron kitoblarni 3 usulda o’qish mumkin: kitobxon mobil ilovasi, kitobxon windows dasturi yoki onlayn sayt orqali

Kitobni qanday sotib olish mumkin?

Ketma-ketlik bo‘yicha tavsiya: saytda qanday ro’yxatdan o’tish, saytdagi shaxsiy hisobni qanday to’ldirish mumkin, kerak bo’lgan kitob uchun qanday to’lovni amalga oshirish

Siz muallifmisiz?

Hurmatli mualliflar: Saytimizda asarlaringiz joylashtirilishini (yoki saytdan o‘chirilishini) istasangiz biz bilan shartnoma tuzish uchun bog‘lanishingizni so‘raymiz.

Savol-javoblar

Agar men O‘zbekistonda bo’lmasam, qanday qilib kitob sotib olishim mumkin?
Nima uchun PDF formatini yuklab ololmayman?
Internetsiz kitobni qanday o‘qish mumkin?
va boshqa savollaringizga bizning javoblarimiz.

Fizika 1-qism

Ko‘rganlar, jami:
Hammuallif:
Nashr yili:
ISBN raqami:

Kitob mahsulotlarining xarakteristikalari, yetkazib berish shartlari, tashqi ko’rinishi va rangi haqidagi ma’lumotlar faqat ma’lumot uchun mo’ljallangan va joylashtirilgan paytda mavjud bo’lgan eng so’nggi ma’lumotlarga asoslanadi.

Elektron kitob:

Mavjud emas.
Buyurtma uchun: (90) 959-25-26

Do‘stlarizga tavsiya eting