ABDUSAMATOV Hafiz Shoahmedovich haqida malumot bilib oling.

ABDUSAMATOV Hafiz Shoahmedovich (1925.8.2, Jambul sh.) — adabiyotshunos. Oʻzbekistonda xizmat koʻrsatgan fan arbobi (1975). Filol. fanlari d-ri (1968). ToshDUning filol. f-tini tugatgan (1946). Oʻzbekiston FA til va adabiyot in-tida katta ilmiy xodim, sektor mudiri, direktor muovini, boʻlim mudiri (1952—60, 1966—79), 1960—66 y. larda masʼul lavozimlarda ishlagan. Toshkent davlat madaniyat in-ti rektori (1979—81), Hamza nomidagi sanʼatshunoslik in-ti direktori (1981—93), Oʻzbekiston FA Qoʻlyozmalar in-tida yetakchi ilmiy xodim (1994—98). Abdusamatovning ilmiy faoliyati oʻzbek adabiyotida satira, dramaturgiya va teatr sanʼatidagi anʼana, yangiliklar tahliliga bagʻishlangan. Hamza nomidagi Oʻzbekiston Davlat mukofoti laureati (1977).