ABDUKARIMXOʻJA SULOLASI haqida malumot bilib oling.
ABDUKARIMXOʻJA SULOLASI — gʻijduvonlik qoʻgʻirchoqbozlar avlodi: 1) Abdukarimxoʻja (1800—1870) — surnaychi va qoʻgʻirchoqboz;
2) Siddiq kalon (1858—1940) — sozanda va maqomchi hofiz, qoʻgʻirchoqboz. Masxaraboz, qoʻgʻirchoqboz va nayrangbozlar toʻdasiga rahbarlik qilgan. Toʻdada Fayzi mextar, Shodi puchuq, Toʻxta nogʻorachi, Aziz muallaq, Hamro masxaraboz, Sayfiddin sherboz kabi sanʼatchilar ishlagan;
3) Xolmurod bobo Siddiqov (1891—1967) — qoʻgʻirchoqboz. U «Polvon Kachal», «Bichaxon», «Usmaxon» kabi qoʻgʻirchoklarini oʻynatib kelgan. Anʼanaviy koʻgʻirchoq teatrini hayotga yaqinlashtirishga, qoʻgʻirchoqlarning soʻzlari bilan harakatlarini uygʻunlashtirishga, tomoshalarning maroqli va taʼsirchan chiqishiga intilgan.
Ensiklopediya.uz
ABDUKARIMXOʻJA SULOLASI