ANDAMANLAR haqida malumot bilib oling.

ANDAMANLAR — Andaman o. larining (Hindiston) tub aholisi. 19 – a. oʻrtalarida ularning soni 5 mingga yaqin edi. Mustamlakachilar tomonidan qirib tashlangan. Hozirda bir necha yuz kishi qolgan. Andamanlarning bir qismi kelgindi xalqlar bilan aralashib, oʻzlarining etnik va til xususiyatlarini yoʻqotganlar. Antropologik jihatdan A negroidlarga kiradi. Andamanlarning boʻyi past (erkaklari 148 sm, ayollari 138 sm), sochlari jingalak, badanlari qora. Andamanlar, asosan, ovchilik bilan shugʻullanadi, anʼanaviy ibtidoiy dinlarga eʼtiqod qiladi.