ALBANLAR haqida malumot bilib oling.

ALBANLAR (oʻzlarini shkiptar deb ataydilar) — Albaniya Respublikasining asosiy xalqi. Umumiy soni 6,1 mln. (1992). Albaniyada 3,250 mln. kishi, Yugoslaviyada (1,985 mln. kishi), Makedoniyada (500 ming kishi), Italiyada, Gretsiyada, RF va b. davlatlarda yashaydi. Tili hind-yevropa tillari oilasiga kiradi. Albanlar kad. davrlarda Bolqon ya. o. ning gʻarbiy qismida yashagan illiriy, qisman frakiylar avlodidir. «Albanlar» etnonimi dastlab mil. 2-a. ga oid manbalarda tilga olinib, 11-a. dan hoz. Albaniyaning butun aholisiga nisbatan qoʻllanilgan. Albanlar yevropeoid irqiga mansub. Albanlarning koʻpchilik qismi islom dinini qabul qilgan, bir qismi pravoslav va katolik. Dehqonchilik, chorvachilik bilan shugʻullanadilar. Sanoatda ham ishlaydilar.