DO`STLARGA ULASHING:

Ona tili fani haqida sher

Har bir harf, bo’g’indan
Tuzamiz turli so’zlar.
Ozoda va chiroyli
Yozsak quvonar ko’zlar.

O’qish fani haqida sher

She’r, hikoya, ertakni
Hech qiynalmay o’qiymiz.
O’qib bo’lgach albatta,
O’qiganni uqiymiz.

Tabiatshunoslik fani haqida sher

Atrofimizdagi olam,
Bu— biz ucun tabiat.
Tuproq, suv — bizga ona,
Oldik undan tarbiya.

Musiqa fani haqida sher

Notalar bor do, re, mi, fa…
Qarang qanday jarangli-ya.
Chalsak rubob yoki doira,
Notalar bo’lar shoira.

Tasviriy san’at fani haqida sher

Tasvirlaymiz olamni,
Musavvirmiz o’g’il-qiz.
Sir-asrorin o’rganib,
Olamiz chuqur ildiz.

Fizika fani haqida sher

Fizka sanalur, fanlarning shohi,
Ibn Sinodir, uning sardori.
Zaryadlar ta’sirin ochganda Kulon,
Ilmda tanhodir bu ulug’ inson.
Ulugbekning nomi butun olamda,
Arximed richagi bizning qo’llarda.

1 Matematika fani haqida sher

Matematika darsi
Hisob-kitoblar bahsi.
To’rt amal bilmoq uchun
Tinglamoq kerak yaxshi.

2 Matematika fani haqida sher

Bo‘linuvchi, bo‘luvchi,
Qani, bo‘linma toping.
O‘nni o‘nga bo‘lganda
Bir bo‘lar, shuni biling.

* * *

Karra jadvalni bilsang,
Ko‘paytirish oson ish,
Yodda tutgin, hayotda
Hisob kerak yoz-u qish.

* * *

Kamayuvchi, ayriluvchi,
Hosil bo‘lar ayirma,
Yuzdan saksonni ayir
Javob bo‘lar yigirma.

* * *

Uchga to‘rtni qo‘shamiz
Javobi bo‘lar yetti.
Shunday oson topilar
Qo‘shishda har yig‘indi.

* * *

Arifmetik to‘rt amal,
Qo‘shish hamda ayirish,
Mulohazaga chorlar
Bo‘lish va ko‘paytirish.

* * *

Hisob-kitobni bilsang,
Barcha yo‘l senga ochiq.
Hayotda qoqilmaysan
G‘oliblik senga tortiq!

* * *

Birlar, o‘nlar va yuzlar,
Ko‘p xonali sonlar bil.
Sodda, qiyin masala,
Yechishga to‘pla aql.

* * *

Ko‘paytirish jadvalin
Ikkilanmasdan yodla,
O‘lchov birliklarini
Yoddan aytgin baralla.

3 Matematika fani haqida sher

Bitta-bitta qo’shib chiq
Men aytajak so’zlarni!
Ota, ona, qo’shnilar,
Aka, uka, do’stlarni.

Opa, singil, amaki,
Tog’a, xola, ammani.
Bir-bir qo’shib boraver
Bobo, buvi — hammani.

Maktab plyus mahalla,
Qirlar, soylar, buloqlar,
Yana qo’shuv bir gala
Sigir, echki, uloqlar.

Ularga qo’sh hovlini
Qozon, o’choq va tandir.
Barining yig’indisi,
Bilsang, ona Vatandir.

To’lqin SIDDIQ.

Fanlar shohi

Fanlar ko‘p bu olamda,
Lekin ayni shu damda
Aytayin sizga bir sir,
Boshqa fanlardan uzr!

Kaliti karra jadval
Muammoni qilar hal.
Barcha fan bordir unda
Jozibasi ham shunda.

Ko‘p muammo bo‘lar hal,
O‘rgansak gar mukammal!
Fanlar shohi bu tilsim,
Qani, toping, bilar kim?

Ha, bu – matematika!
Bari mujassam unda.
Uqtiradi ilmni,
O‘rgatadi bilimni!

Hamrogul ORTIQOVA.