Kommunikatsiya strategiyasi: u nima va qanday ishlaydi?

Sifatli kopirayterlik (bu Instagram yoki telegram uchun bitta post emas, balki 

keng ko‘lamli hamkorlik haqida gap ketganda) kommunikatsiya strategiyasidan 

(KS) boshlanadi. 

U nima, KS qanday va nima uchun ishlab chiqiladi? 

Barcha javoblar quyida…

Kommunikatsion strategiya — media-makonda brendni ilgari surish strategiyasining bir qismidir. Ha,aynan bir qismi! 

Chunki reklama strategiyasi tahlil, media rejalashtirish va boshqa ko‘plab ajoyib narsalarni o‘z ichiga oladi. KS o‘quvchilar bilan axborot aloqasi uchun javobgardir. 

Qanday boshlash kerak?

Tasavvur qiling: sizga mijoz keldi, masalan, poyabzal zavodi. U shunday deydi: «Men yangi hamkorlarni jalb qilish uchun ijtimoiy tarmoqlarda rivojlanmoqchiman.»  

Aksariyat kopirayterlar shunday deydi: “Yaxshi! Nechta post kerak?

Professional kopirayter ishni boshlashdan oldin boshini qashlaydi va so‘raydi:

• ijtimoiy kontekstni tahlil qilish; 
• raqobatchilarni tahlil qilish; 
• maqsadli auditoriyaning tasavvurlari. 

Agar mahoratga ega bo‘lsa, kopirayter barcha ma’lumotlarni o‘zi to‘plashi mumkin. Albatta, qo‘shimcha haq evaziga. 

Ammo ideal jamoada bir vaqtning o‘zida bir nechta odam reklama strategiyasi ustida ishlaydi, jumladan strateg, kreativ direktor, dizayner, reklama bo‘yicha mutaxassis va boshqalar. Ular sizni kerakli materiallar bilan ta’minlaydi. 

KSga nimalar kiradi?

Kommunikatsiya strategiyasining tuzilishi tabiiy ravishda vazifaga bog‘liq.

Ammo umumiy sxema quyidagicha: 

Tone Of Voice — matnlarning uslubi va taqdimoti. Do‘stona yoki rasmiy ohang, neytral yoki hissiyotga boy so‘zlar, maxsus atamalardan foydalanish mumkinmi yoki yo‘qmi — biz bularning barchasini TOVda belgilaymiz. 

Rubrikator — umumiy tarkib uchun ham, muayyan platformalar yoki vositalarni hisobga olgan holda ishlab chiqilgan. Masalan, Instagram’dagi storislar uchun rubrikator Telegram’dagi postlar uchun rubrikatordan farq qilishi mumkin.

Kontent-reja — rubrikatorga ishchi qo‘shimcha. Muayyan postlarning  g‘oyalarini misol sifatida ishlatib, biz u yoki bu bo‘limni qanday amalga  oshirishimizni ko‘rsatamiz. 

Narx

Kommunikatsiya strategiyasi analitika, kreativlik va psixologiya, shuning uchun siz 200 $ ni faqatgina haqiqiy kommunikatsiya qismi uchun so‘rashingiz mumkin. Agar boshqa vazifalarni olsangiz, narxni ko‘taring. 

Va oxirida yana bir maslahat: bozorda katta reklama strategiyalarining narxi 1000 $ dan boshlanadi.

Muallif: Nurbek Yuldoshev