МЕНГА ТЕГМАНГ… (Ajoyib sher)
Менга тегманг, ишқ ўтида куйволайин,
Жаҳаннамнинг азобига тўйволайин.
Жоним мени ташлаб кетса, зўрим йўқ-да,
Куйдиргичли кўзларимни ўйволайин.
***
Менга тегманг, азобимга юкинволай,
Дилим хаста, хасталикдан ўкинволай.
Зўр келганда зўрим бўлиб берганларни,
Зори бўлиб кетаяпман… Соғинволай.
***
Менга тегманг, қовоғимдан қорлар ёғсин,
Икки дунё орасинда хорлар ёғсин.
Ким қўйибди менга ишқу муҳаббатни,
Хун бағримни ўртаб-ўртаб зорлар ёғсин.
***
Менга тегманг, сиз турган боғ масканиммас,
Гар икки кўз кулиб турса, кулганиммас.
Мен дунёга қўл силтаган бандадурман,
Оҳ чекишлар хун бағримни тилганиммас
Менга тегманг!!!
Менга тегманг!!!
Менга тегманг!!!
ҲАВАС
* * *
Ожиз қолган онимда,
Тоғларга ҳавас қилдим.
Жабр туйсам жонимда,
Соғларга ҳавас қилдим…
* * *
Тоғлар қарамадилар,
Соғлар қарамадилар.
Оҳлар уриб малаг-у,
Моҳларга ҳавас қилдим…
* * *
Оҳлар оғули экан,
Моҳлар доғули экан.
«Борса келмас»лари бор,
Ёқларга ҳавас қилдим…
* *
«Борса келмас» кўнмади,
Таҳқирлашдан тинмади.
Ичга ютиб дардимни,
Чоҳларга ҳавас қилдим…
* * *
Дардим билмади-я чоҳ,
Бағрин бермади-я чоҳ.
Хаста дилимни доғлаб,
Доғларга ҳавас қилдим…
* * *
Доғлар ёмон куйдирди,
Паймонамни тўлдирди…
Бир куйиб, ҳам бир ёниб,
Тавбалаблар, тўлғониб,
Бағрим тўла дардимни,
Худойимга солдим-у,
Кўнглимни кўтаргич гоҳ-
гоҳларга ҳавас қилдим.
Хикоялар
МЕНГА ТЕГМАНГ… (Ajoyib sher)