Бир лаҳзага тирилтир мани (Ибратли шеър) узбекча шеър
Танам азобда ман минг афсусдаман
Қабрим тор на бўй бор на бордир эни
Ягона ўтинчим сўрайман сендан
Аллоҳ бир лаҳзага тирилтир мени
Умримни совурдим ел шамолларга
Берилдим бемасамар хом ҳаёлларга
Бугун жавобим йўқ кўп саволларга
Роббим бир лаҳзага тирилтир мани
Кўзимни яратдинг лекин кўрмадим
Ҳақ йўлини эшитдим бироқ
Умрим бўйи ухлаб наҳот турмадим
Аллоҳ бир лаҳзага тирилтир мани
Бугун ҳаётимни чироғи сўнди
Қоп қора қарғалар қабримга қўнди
Танамни минг турфа илонлар тилди
Роббим бир лаҳзага тирилтир мани
Оҳ нега қилмадим бир бор ибодат
Наҳотки шунчалар босибман ғафлат
Танам қийналмоқда азобда фақат
Аллоҳ бир лаҳзага тирилтир мени
Тақвони эгнимга қилайин либос
Барча гуноҳлардан бўлайин холос
Ёлвораман Аллоҳ сендан илтимос
Роббим бир лаҳзага тирилтир мани
Танамни кўряпман қоп қора кўмир
Баданим нимталар қизиган темир
Оҳ афсус қайтсайдим деб фурсат умр
Аллоҳ бир лаҳзага тирилтир мени
Аллоҳ изн бер қабримни ўяй
Иймон лаззатини қалбимда туяй
Ҳеч йўқ бир бор бошим саждага қўяй
Роббим бир лаҳзага тирилтир мани
Ўлмайдиганлардай юрардим бардам
Дўстларим кўп эди суянчим ҳар дам
Ёрдамим олганлар беринглар ёрдам
Аллоҳ бир лаҳзага тирилтир мани
Ўзимники гапга кирмас қўлларим
Наҳот сароб босиб ўтган йўлларим
Ёрдам бермаяпти топган пулларим
Роббим бир лаҳзага тирилтир мани
Мен юрган йўлдан сиз қайтмагансизлар
Ибодат қил деб сиз айтмагансизлар
Ё сиз буни атайин қилгансизлар
Аллоҳ бир лаҳзага тирилтир мани
Чўкиб бораяпман қўрқувдан тердан
Илон чаён пойлар ҳар ердан
Бошим кўтармасдим бир лаҳза ердан
Аллоҳ бир лаҳзага тирилтир мани
Шерлар
Бир лаҳзага тирилтир мани (Ибратли шеър) узбекча шеър