Кўнглим йиғлаганда қайда эдингиз? узбекча шеър
Балки кимса топмас жойда эдингиз,
Денгиз тубида ё ойда эдингиз,
Кечалар Худо деб ўртаниб зор-зор,
Кўнглим йиғлаганда қайда эдингиз?…
Очимдан ўлмадим чиқмади жоним,
Кимни ҳам бой қилган бир бурда нони,
Шукур, синовлардан ўтди иймоним,
Қадрим йиғлаганда қайда эдингиз?…
Боримда булоғим дедингиз Кавсар,
Йўғимда сизмасму? юз бурган овсар,
Дўст тутиб лаҳзада кечган ал ҳазар,
Қўлим йиғлаганда қайда эдингиз?…
Ортимдан соядай пинҳон кузатган,
Чап бериб ўзимни чоҳга қулатган,
Отган сиз, мен ўша содда, узатган,
Гулим йиғлаганда қайда эдингиз?…
Одамийлик сизга шунчаки ўйин,
Одамни чин билиш эканда қийин,
Етар, хаётимдан энди даф бўлинг,
Бахтим йиғлаганда қайда эдингиз?
Дийдор, йиғлаганда қайда эдингиз?…
Шерлар
Кўнглим йиғлаганда қайда эдингиз? узбекча шеър